Elordalyq 34,5 myŋ oquşyǧa kompiuter berıledı
Elordada äleumettık jaǧynan kömekke mūqtaj otbasy balalaryn qaşyqtan oqytuǧa kompiutermen, routerlermen qamtamasyz etu üşın 6 milliard teŋge bölındı. Jalpy, qala boiynşa 34,5 myŋ oquşyǧa qajettı tehnikalyq qūral-jabdyqtar berıledı.
Keşe elordada pedagog qyzmetkerlerı qalalyq tamyz keŋesınıŋ plenarlyq otyrysy öttı. «Bılım berudı sandyq transformasiialau» taqyrybynda onlain formatta ūiymdastyrylǧan şaraǧa Nūr-Sūltan qalasynyŋ äkımı Altai Kölgınov qatysyp, ūstazdardy Bılım jäne ǧylym ministrlıgınıŋ Y.Altynsarin, «Qazaqstan Respublikasy bılım beru ısınıŋ qūrmettı qyzmetkerı» tösbelgılerımen, alǧys hattarmen marapattady.
MŪǦALIMDERDIŊ TŪRǦYN ÜI JAǦDAIY JAQSARADY
– Memleket basşylyǧy mūǧalımderdıŋ jaǧdaiyn jaqsartuǧa erekşe köŋıl böledı. Sol maqsatta «Pedagog märtebesı turaly» zaŋ qabyldandy. Osy jyldyŋ 1 qaŋtarynan bastap mūǧalımderdıŋ jalaqysy 25 paiyzǧa artty. 2024 jylǧa deiın taǧy 25 paiyzǧa ösedı. Byltyr bız öz tarapymyzdan tūrǧyn üi satyp alu üşın äleumettık järdemaqy türınde 1 mln teŋge somasyna öteusız negızde 275 tūrǧyn üi sertifikatyn böldık. Osy jyly da mūǧalımderdıŋ tūrǧyn üi jaǧdaiyn jaqsartuǧa kömektesemız, – dedı Altai Kölgınov.
Qala basşysy öz sözınde biyl «Qazaqstandyq ipotekalyq ūiymmen» bırlesıp 1 myŋ äleumettık päter beru turaly kelısımge qol qoiylǧanyn atap öttı. Būl baspanaǧa mūǧalımderden basqa medisina qyzmetkerlerı, poliseiler, äleumettık qyzmetkerler, mädeniet jäne sport qyzmetkerlerı de ümıtker bola alady.
Byltyr jūmysyn endı bastaǧan mūǧalımderdı qoldau maqsatynda 350 oryndyq jas pedagogtar üiı salyndy. Qala äkımdıgı mūǧalımderdıŋ käsıbi damuyna ünemı köŋıl böledı. Atap aitqanda, «Ozat» jobasyn ıske asyru aiasynda mektepter men kolledjderdıŋ 400 mūǧalımı RIЅA tapsyrmalaryna bılım aluşylardy daiarlau boiynşa bılıktılıktı arttyru kurstarynda oqudan öttı. Kembridj universitetımen bırlesıp SHARE jobasy ıske qosyldy. Sonyŋ ışınde mūǧalımder bırlesıp zertteuler jürgızedı, aqparat almasady, bılıktılıgın köteru boiynşa basqa da jūmystar qarastyrylǧan.BİYL 12 MEKTEP BOI KÖTEREDI
Mūǧalımderdı erekşe quantatyn jaŋalyq, biyl bas qalanyŋ ūstazdary alǧaş ret «Nūr-Sūltan qalasynyŋ qūrmettı pedagogı» medalımen marapattalady. Medal ielerıne 830 myŋ teŋgeden (300 AEK) tölenedı.
Elorda äkımı öz sözınde biyl bas qalada 12 mektep boi köterıp, 26 bılım beru nysany jöndeletının, inkliuzivtı bılım beru kabinetterı aşylatynyn atap öttı. Būl byltyrǧymen salystyrǧanda ekı ese köp. Kelesı jyly da elordada 12 mektep salynady.
– Eger byltyr inkliuzivtı bılımmen qamtu 80 paiyz bolsa, biyl bız būl körsetkıştı 100 paiyzǧa jetkızudı josparlap otyrmyz. Tūŋǧyş Prezident – Elbasy qorynyŋ bastamasymen ekı jaŋa mekteptıŋ negızınde 1 qyrküiekke deiın 30 oryndyq 2 inkliuzivtı qoldau bölmelerı aşylady. Şıldeden bastap «Asyl miras» kabinetı jūmys ıstei bastady. Onda halyqaralyq sertifikatqa ie jäne zamanui ädıstemelerdı meŋgergen mamandar jūmys ısteidı. Qyrküiek aiynda ziiatkerlık qabıletı tömen 100 balaǧa arnalǧan №3 arnaiy mektep aşudy josparlap otyrmyz. Küzde köru qabıletı naşar balalarǧa arnalǧan balabaqşa aşamyz, – dedı A.Kölgınov.
Jaŋa oqu jylynda elorda mektepterınde qosymşa bılım berudıŋ 8 filialy jäne taǧy 2 qoǧamdyq ortalyq aşylady. Jaŋa mektepterdıŋ bırınşı qabatynda balalarǧa arnalǧan şaǧyn ortalyqtar, oŋaltu ortalyqtary, balabaqşalar, medisinalyq kabinetter siiaqty äleumettık nysandar aşylady.
ON JETI MYŊ BALAǦA KÖMEK BERILEDI
Nūr-Sūltan qalasynda jaŋa oqu jyly qarsaŋynda äleumettık jaǧynan az qamtylǧan otbasy balalaryna mektepke qajet qūral-jabdyq alu üşın 40 myŋ teŋgeden bölınedı. Jalpy, qala boiynşa 17 myŋ balaǧa kömek körsetılıp, 7 myŋ bala «Mektepke jol» şarasymen qamtylady.
– Ötken jyly mektep qūraldaryn satyp aluǧa bölıngen qarjy är balaǧa 30 myŋ teŋge boldy. Biyl ol 40 myŋ teŋgege deiın artty. Eger otbasynda 3-4 baladan bolsa, onda är balaǧa 40 myŋ teŋgeden bölınedı. Būl maqsatqa biudjetten 680 mln teŋge bölındı. Būl ötken jylmen salystyrǧanda ekı ese köp, – dedı qala basşysy.
SANİTARLYQ TALAPTY QATAŊ SAQTAU QAJET
Altai Kölgınov mektepter men kolledjderdıŋ direktorlaryna jaŋa oqu jylyna sanitarlyq-epidemiologiialyq talaptarǧa sai daiyndaludy tapsyrdy. Atap aitqanda, oqu oryndary basşylary sanitaizerler ornatyp, qaşyqtyqty saqtau turaly belgılerdı ornatu şart. «Kezekşı synyptardyŋ» oquşylary partalarǧa şahmat tärtıbımen otyruy kerek.
– Jaŋa oqu jylyna sapaly daiyndyqty qamtamasyz etu maŋyzdy. Qaşyqtan jūmys rejimıne köşu studentterdıŋ alǧan bılımınıŋ sapasyna äser etpeuı kerek. 1-4-synyp oquşylary «kezekşı synyptarda» oqi alady. Sanitarlyq talaptardyŋ qataŋ saqtaluyn qamtamasyz etu qajet, – dedı A.Kölgınov.