Qazır memleket mınberındegı baiandamaşy basşylar öz ısterınıŋ jarty jyldyq qorytyndysyn jasap jatyr. Arasynda elordalyq jol saqşylarynyŋ bölım basşysy Tahir Äbdırahmanov ta bar.
Ol kısı: «Astananyŋ äielderı men memlekettık qyzmetkerlerı jol erejesın jiı būzady» deidı. Tızımınde qala ışınde mäşine aidap kele jatyp «sotkamen» söilesken qyz-qyrqyn, kelın-kepşık köp. Qarap otyrsaq, jol üstınde de «maŋyzdy şarua» tyndyra beretın «genderlık saiasat» ökılderıne az-kem aiyppūl salynypty. Onyŋ özı arnaiy reid kezınde ǧana. Äitpese, bız sausaqtai bılekterın däu «Djiptıŋ» terezesıne asyp alyp jüretın bikelerdı talai ret kördık. Jūdyryqtai basyn tügel jauyp tūratyn ozyq tehnologiiamen Qūdaidyŋ qūtty künı äldebıreuge şäŋkıldep bara jatady. Eresekterı de ereje būzǧyş keledı sosyn. Ee, aitpaqşy, saqşydan da saq sylqymdar qyzyl taiaqty jıgıttı körgende, bailanystaǧy bıreuge keiın habarlasatynyn eskertıp ülgeredı, şamasy!..
Taǧy da polkovnik Täkeŋnıŋ qolyndaǧy derekke şūqşisaq, «Jarty jyl ışınde 21 myŋ qaulyny jūmys oryndaryna jıberdık. Būl degenımız – 21 myŋ memlekettık qyzmetker» dep tūr onda (büite berse, bır jyldaǧy sany poliseidıŋ päpkesıne syimai qalatyn şyǧar).
«Da nu?!. Pravany satyp alǧan ǧoi, iä?» deidı menıŋ şopyr dosym. Qaidan bıleiın… Äiteuır, taqymdary bos. Būrynǧynyŋ bai, bolystary da auyzdyǧymen alysqan, esık pen tördei tūrqy bar tūlpardyŋ üstınde auyp qala jazdap, äreŋ otyrǧan. Sonda deimın-au, zaman özgerıp, zaŋ küşeiıp jatsa da, būlardyŋ bärı bırdei bola bere me?! Ötkendegısı ne, ötpelıdegısı ne, mynalary ne… Ūqsas ūstyndary kädımgı özennıŋ arǧy betınde qalǧan, ötkelde tūrǧan jäne bergı betke ötıp alǧan bır otbasynyŋ qopalaq müşelerıne kelıŋkıreidı.
Erkeǧali BEISENOV
