Bügın Qazaqstan Respublikasynyŋ Ǧylym jäne joǧary bılım ministrlıgı Tıl saiasaty komitetı Ş.Şaiahmetov atyndaǧy «Tıl-Qazyna» ūlttyq ǧylymi-praktikalyq ortalyǧynyŋ ūiymdastyruymen qazaq tılındegı bıregei joba – köru qabıletı naşar adamdarǧa arnalǧan ekrandy dybystap oqyp beretın innovasiialyq qūraldyŋ tanystyrylymy öttı, dep habarlaidy astana-akshamy.kz.
Tıl saiasaty komitetınıŋ töraǧasy, belgılı ǧalym Erbol Tıleşev memlekettık «Estitın ükımet» qaǧidasy mültıksız oryndalǧanyn, onyŋ bır dälelı – osy kelelı ıs ekenın atap öttı. Aqparatty dybystap jetkızetın qūraldyŋ kömegımen qazaq tılınıŋ bäsekege qabılettılıgı arta tüsedı. Köktemnıŋ alǧaşqy aiymen jetken jaǧymdy jaŋalyqtyŋ arqasynda ekrandyq oqu jüiesı arqyly baǧdarlamany qoldanuşylar būdan bylai ana tılındegı aqparatpen erkın susyndai alady.
Közı naşar köretın adamdarǧa arnalǧan būl jaŋa joba «Tıl-Qazyna» ūlttyq ǧylymi-praktikalyq ortalyǧynyŋ bazasynda daiyndalǧan. Ortalyqtyŋ bas direktor M.Jūmabaidyŋ aituynşa, Android smartfondarǧa arnalǧan nūsqa jariialandy. IOS üşın arnaiy qosymşany IT mamandar saraptamadan ötkızu üstınde, jaqyn arada qoldanysqa berıledı.
Tanystyrylym barysynda Qazaqstan Respublikasy Parlamentı Mäjılısınıŋ deputaty Kenjeǧūl Seiıtjan būl köpten kütken arman kün ekenın tebırene baiandady: «Osy künnıŋ kuäsı bolyp otyrǧanyma quanyştymyn. Qanşa jyl qazaq tılındegı ekran diktory joq ekenın qynjylyp jüretınbız. Şet elde bılım alǧan azamat retınde aǧylşyn, japon tılındegı osyndai qūraldyŋ kömegıne jügınıp, diplom jūmysyn da jazǧanmyn. Al ana tılımızde joq bolǧany mümkındıktı şekteitın. Mūndai qūral kerek dep deputattyq saual da jıbergenbız. Bügın şynynda da qatty quanyp otyrmyz», -dedı ol.
İnkliuzivtı bılım beru mamany, Nazarbaev Universitetınıŋ assistivtı tehnologiialar jäne aqparattyŋ qoljetımdılıgı jönındegı sarapşy-menedjerı, jobany testıleuşı Ziiat Äbdıqaiymov pen zaŋger, köru qabıletı naşar sarapşy maman, jobany testıleuşı Mūsaǧali Dauylov elımızdegı mūndai tūŋǧyş qūrylǧynyŋ mazmūny men maŋyzyna airyqşa toqtaldy.
Älemdık standarttar negızınde jasalǧan qazaq tılındegı ekran diktorynyŋ kömegımen (Sıltemesı: https://screenreader.tilqazyna.kz/) paidalanuşylar būdan bylai veb-bettermen, elektrondyq hat jäne qūjatpen demde tanysyp, aqparat aǧynymen qazaq tılınde tanysyp, sifrlyq tehnologiianyŋ igılıgın öz qajetıne jarata alady.
