Memleket basşysy Qasym-Jomart Toqaev alǧaşqy Joldauynda şaǧyn jäne orta biznestıŋ tiımdılıgın arttyruǧa tapsyrma berdı. Nūr-Sūltan qalasynyŋ äkımı Altai Kölgınovtıŋ käsıpkerlermen kezdesuınde bilık pen biznes ökılderınıŋ aldyna qoiylyp otyrǧan jaŋa mındetter jan-jaqty saralandy. Sonymen qatar saladaǧy tüitkılder söz bolyp, bırqatar ūsynystar aityldy.
EKINŞI İNDUSTRİALDY PARK AŞYLADY
– Nūr-Sūltan qalasynyŋ jalpy öŋırlık önımınde şaǧyn jäne orta biznestıŋ ülesı 58,8 paiyzǧa jettı. Būl körsetkış memleketımız käsıpkerlıktıŋ damuyna qolaily orta qalyptastyrǧanyn körsetedı. Qazırgı kezde qanşama kısı öz käsıbın aşty. Elordanyŋ özınde 124 myŋnan astam adam osy salada tırkeldı. Būl jūmysty älı de jandandyru kerek. Sebebı ömır bır orynda tūrmaidy, bäsekelestık artyp kele jatyr. Jaŋa mümkındıkterdıŋ aşyluymen qatar, jaŋa syn-qaterler de aldymyzdan şyqty, – dedı A.Kölgınov.
El boiynşa 2024-2025 jyldarǧa deiın şaǧyn jäne orta biznestıŋ jalpy öŋırlık önımdegı ülesın 40 paiyzǧa jetkızu turaly mındetı tūrǧanyn eske salǧan qala basşysy elorda būl körsetkış boiynşa äjeptäuır alǧa ketkenın aita kele, mūnymen toqtamai, ıstı ılgerıletu üşın bırqatar şaralar qolǧa alynyp jatqanyn jetkızdı.
– Qaladaǧy №1 industrialdy park tolyp qaldy. Qazır bız №2 industrialdy parktı aşu jūmystaryn bastap jatyrmyz. Tiıstı qauly qabyldandy. Iаǧni zaŋdyq tūrǧydan qūjatqa qol qoiyldy. Ekınşı parkke 400 gektardan astam jer bölındı. Biyl ony aşu boiynşa barlyq daiyndyq jūmystary jürgızılıp, jobalyq-smetalyq qūjat äzırlenedı. Kelesı jyly injenerlık jelıler kezeŋ-kezeŋımen tartyla bastaidy. Sebebı 400 gektar aumaqty bır jylda igeru mümkın emes, – dedı qala äkımı.
TAKSİDIŊ ONLAIN TIZIMI NE BEREDI?
Käsıpkerlerdıŋ kezegı kelgende Avtökölık ielerı assosiasiiasynyŋ töraǧasy Medet Qūrmanov taksi salasy boiynşa bırqatar ūsynystardy jetkızdı. «Qalada jolauşylardy tasymaldau ısı qarqyn alyp kele jatyr. Taksi öz kelbetın qalyptastyrdy. Bıraq servis, investisiialardy tartu jäne taksi qyzmetıne qatysu boiynşa bırqatar tüitkılder bar. Äkımdıkte taksimen jūmys ısteitın arnaiy bölım qūrylsa degen tılegımız bar. Sebebı būl qyzmettı retteu ısı älı de eskı ädıstermen jürgızılıp jatyr. Sifrlandyru däuırınıŋ talaptary basqa bolyp otyr» degen ol qazırgı kezde taksi qyzmetıne rebrending jasalyp, sonyŋ ışınde kölıkter boiauy qyzyl jäne kök tüsterden ūlttyq örnekterdı qoldanumen jasyl men sary tüske auystyrylyp jatqanyn jetkızdı.
– Almaty, Şymkent jäne Nūr-Sūltan qalalarynda taksi tüsınıŋ bıryŋǧai jüiesıne köşıp jatyrmyz. Memleketımız turizmdı damytudy qolǧa aldy. Ūlttyq örnekterdı mädenietımızdı tanytu maqsatynda qostyq. Al jasyl men sary tüster qauıpsızdıkke qyzmet etedı. Osy tüster kölıkter aǧynynda jaqsy körınedı, – dedı M.Qūrmanov.
Onyŋ aituynşa, taksi qyzmetı men taksi jürgızuşılerdıŋ onlain tızımın jasau kerek. Būl tızım osy qyzmettı qadaǧalauǧa jol aşady. Sebebı bügınderı resmi tasymaldauşy men būl qyzmetke joldan qosylǧandardy aiyru mümkın bolmai qaldy. «İndraiver», «Iаndeks», «Astana Taksi» sekıldı taksi qyzmetterı men köşede toqtaityn kölıkterdıŋ bärın qazır jolauşylar bır taksi dep bıledı» dedı käsıpker.
Qala äkımı qoǧamdyq kölık jūmysyn, sonyŋ ışınde taksi qyzmetın retteuge Astana LRT kompaniiasynyŋ äleuetı jetıp otyrǧanyn, sondyqtan äkımdık janynan arnaiy bölım aşudyŋ qajettılıgı joq ekenın aitty. «Qazırgı kezde qūrylymdardy qysqartuǧa tapsyrma berıldı. Ärtürlı qyzmetterdı oŋtailandyryp, basşylardy azaityp, naqty jūmystardy atqaratyn adamdardy köbeituımız kerek. Sondyqtan taksimen ainalysatyn arnaiy bölım aşa almaimyz» degen A.Kölgınov taksi qyzmetı men taksi jürgızuşılerdıŋ onlain tızımın jasau ūsynysyn qoldaitynyn aitty.
– Qazır sifrlandyru däuırınde ömır sürıp jatyrmyz. Kölık jürgızuşılerınıŋ de tür-türı bar. Osy ıste eŋ bastysy qauıpsızdıktı oilauymyz kerek. Taksi boiynşa barlyq mälımetter bır tızımde ornalasuy tiıs. Būl jūmyspen orynbasarym Malika Erlanqyzy ainalysady. Qalǧanyn Astana LRT retteidı, – dedı qala basşysy.
İGERILMEGEN JER TELIMDERIQAITARYLADY
Käsıpkerlık jönındegı öŋırlık keŋes müşesı Abzal Saǧymbaev qūrylys saluşylar esebınen salynǧan injenerlık jelıler jäne auksion arqyly jalǧa berıletın jer telımderın igeru mäselelerın köterdı.
– Bız būl mäseleler boiynşa kömektesemız. Bıraq alypsatarlyqtyŋ bolmauyn qadaǧalaimyz. Sebebı keibır käsıpkerler ädeiı jer telımderın igermeidı. Olar keiınnen qymbatqa satamyz dep oilaidy. Mūndai äreketterdı bırden tyiu kerek. Memleket basşysy öz Joldauynda osy mäselege nazar audardy. Ükımettıŋ keŋeitılgen otyrysynda da jer telımderın igeru mäselesı talqylandy. Şöp qoryǧan ittıŋ jaǧdaiyna jetkızbei, «maǧan da joq, özgege de joq» degen niet bolmau kerek.
Ekı-üş nemese bes jyldan berı igerılmegen jer telımderın qaitaramyz. Osyndai jerlerdı igeretınderge jaǧdai tuǧyzuymyz qajet. Endı industrialdy parkte jer telımderı jalǧa ūzaq merzımge berılmeidı. Eŋ köbı bır-ekı jylǧa ǧana beremız. İgerılmese, kerı qaitaramyz, – dedı A.Kölgınov.
TURİSTIK HABTYŊ ARTYQŞYLYǦY
«Atameken» ūlttyq käsıpkerler palatasy janyndaǧy turizm komitetınıŋ müşesı Qanat Eleusızov elorda turizmın damytuǧa qatysty bırqatar ūsynystardy jetkızdı. Onyŋ aituynşa, tiıstı zaŋnamaǧa säikes şeteldık kompaniialarǧa elımızde turizmmen ainalysuǧa rūqsat berılgen. Olar özderınıŋ avtobustarymen, özderınıŋ gidterımen elordaǧa keledı.
– Bız turaly aqparatty olar ǧalamtordan alady. Olardyŋ ne jaily aitatyndary kümän tudyrady. Būl jerde mäsele aqparattyq qauıpsızdıkke baryp tıreledı. Jergılıktı jerde turizmdı qolǧa myqtap alu kerek. Bıraq qazır turistık avtobustar men gidter jaǧynan tapşylyqty sezınıp otyrmyz. Qala äkımdıgı janyndaǧy alaŋda «Almaty vizit» siiaqty turistık hab qūrudy ūsynamyn. Sol jerde turisterdı aqparattandyru jūmystary jürgızılıp, ol aumaqta avtobustar, gidter, qolönerşıler otyruy kerek. Sebebı Nūr-Sūltan qalasynyŋ tarihy sol aumaqtan bastalady. Keşegı Aqmola men Selinogradtyŋ ızderı sol jerde sairap jatyr. Ekskursiialar osy jerden örbuı tiıs. Reseilık turister alaŋǧa kelgende, bızdıŋ avtobustarǧa otyrulary kerek. Qazır ekonomikalyq tūrǧydan ūtylyp jatyrmyz. Sebebı turizmnen tüsetın qarjynyŋ köbı Reseige ketıp jatyr. Osy elmen qatar Qyrǧyzstan jäne Özbekstannyŋ turisterı elımızge köp keledı. Ärine, olarǧa sol elderdıŋ turistık kompaniialary qyzmet körsetedı. Öz gidterımızdı oqytuymyz da qajet. Turistık baǧytty jasauǧa ǧalymdar tartyluy tiıs. Sebebı qazır ärtürlı aqparat berılıp jatyr. Reseidıŋ, qyrǧyzdyŋ, özbektıŋ, qytaidyŋ turistık kompaniialary taratatyn aqparatta bırızdılık joq. Özımızdıŋ kompaniialar aqparatynda da ala-qūlalyq kezdesedı. Mäselen, qazaqtyŋ şyǧu tegı turaly ärtürlı aqparat aitylady. Bıreuler mūny Jänıbek pen Kerei handardan bastap taratady. Bıreuler ǧūndardan şyǧarady. Endı bıreuler qazaqtar Altai jaqtan şyqty deidı. Sondyqtan äkımdıkpen bırge bır jüiege tüsken aqparatty daiyndauymyz kerek. Bastysy, qalada turizmdı jürgızudıŋ erejelerı men standarttary äzırlenuı qajet. Ekpındı būqaralyq turizmge emes, sapaly turizmge qoiu kerek. Būqaralyq turizm qanşa turist kelıp ketkenı jaily statistikany ǧana beredı. Al sapaly turizm qarjy äkeledı. Elorda būl biznestı qalai jürgızu kerektıgın bükıl elge körsetuı tiıs. Sebebı ışkı naryqty älı qorǧai almai otyrmyz. Turoperatorlarymyzdyŋ äleuetı tömen. Osylai kete berse, şeteldık kompaniialar bükıl naryqty jaulap, özımız dalada qalamyz, – degen Q.Eleusızov Qytai jäne İspaniia elderınıŋ täjıribesın mysalǧa keltırdı.
Onymen tolyǧymen kelısken qala basşysy turistık hab qūru mäselesı qaralatynyn jetkızdı. «Jaqynda Prezident elordada turizm universitetı qūrylatynyn aitty. Qazır bız tiıstı ǧimaratty daiyndap qoidyq. Turizm sektoryna jaqsy investisiialardy tartuǧa bolady. Būl mäselenı bırıgıp aqyldasaiyq. Erejeler men standarttar sözsız boluy kerek. Elordada turizmmen «Astana Konvenşn Biuro» kompaniiasy ainalysady. Bız qoldau körsetemız» degen qala basşysy qazır elordada ülken halyqaralyq şaralar ötıp jatqanyn, būl turizmdı damytuǧa ülken septıgın tigızetının aitty.
Sonymen qatar kezdesude äielder käsıpkerlıgın, bouling pen kibersportty damytu, avtoparkterge subsidiia bölu mäselelerı qozǧaldy. Qala basşysy käsıpkerlermen osyndai kezdesuler jiı ūiymdastyrylatynyn aityp, jüzdesu soŋynda olardy jeke-jeke qabyldady.
