Aziia elderı aqyn-jazuşylarynyŋ I forumy aiasynda elordadaǧy Abai köşesınıŋ boiynan Qalamgerler alleiasy aşyldy.
Mädeni şaraǧa qala äkımınıŋ orynbasary Baqtiiar Mäken, Qazaqstan Jazuşylar odaǧy basqarmasynyŋ töraǧasy Ūlyqbek Esdäulet, Qazaqstannyŋ Eŋbek Erı Oljas Süleimenov jäne forumǧa kelgen qonaqtar qatysty.
Alleianyŋ aşyluynda elorda basşysynyŋ orynbasary Baqtiiar Mäken qalamgerlerdı elımızde alǧaş ötıp otyrǧan aituly forummen qūttyqtap, bas qalanyŋ damuy men aldaǧy jospary jaiynda söz qozǧady. Qazaqstan Jazuşylar odaǧy basqarmasynyŋ töraǧasy, körnektı aqyn Ūlyqbek Esdäulet qalamgerler alleiasynyŋ Abai atamyzdyŋ köşesınıŋ boiynda ornalasuy da tegın emes ekenın aitty.
«Būl köşenıŋ boiyndaǧy Qalamgerler alleiasynda kele jatqan aqynnyŋ şabyty tasyp, kömeiınen öleŋ tögılerı haq. Alleia Nūr-Sūltan qalasyna nūr qosyp, tūrǧyndardyŋ jüregıne jyr qosa bersın» dedı Ūlyqbek Esdäulet.
Abai köşesınde ornalasqan Qalamgerler alleiasy «Egemen Qazaqstan» gazetı köşesıne deiın sozylyp jatyr. Alleia aumaǧy 1,2 gektardy qamtidy. Onyŋ 5,7 myŋ şarşy metrıne tas töselse, 4,2 myŋ şarşy metrı abattandyrylǧan. Sonymen bırge 50 şyrşa egılıp, 428 jaryqşam ornatylǧan. Alleiaǧa Abai atamyzdyŋ sözı jazylǧan märmärdan jasalǧan kıtap qoiylǧan.
