Elorda äkımı Altai Kölgınov öŋırlık käsıpkerler palatasynyŋ alaŋynda käsıpkerlermen kezdesıp, azamattardy jeke qabyldady. Kezdesu barysynda tüitkıldı mäseleler aşyq aitylyp, olardy şeşu joldary talqylandy. Sondai-aq «iQala» qalalyq qyzmetter ortalyǧynyŋ bazasynda «Bizneske arnalǧan Ükımet» alaŋyn aşu mäselesı de qaraldy. Atalǧan alaŋ käsıpkerlerge «bır tereze» qaǧidaty boiynşa barlyq qajettı qyzmet türlerın aluǧa järdemdesedı.
– Elbasymyz käsıpkerler – ekonomikanyŋ qozǧauşy küşı ekenın jiı-jiı aitady. ŞOB sektoryna ärtürlı jeŋıldıkter beru qajettıgın de ünemı eskertedı. Elordamyzda būl baǧytta käsıpkerlerge qolaily jaǧdai tuǧyzu üşın barlyq ıs-şaralar atqaryluda. Eŋ bastysy, adal eŋbek etıp, şyǧaratyn önımnıŋ sapasyna köŋıl bölu kerek. Elımızde otandyq tauar öndıruşılerdı qoldauǧa arnalǧan «qarapaiym zattar ekonomikasy» degen baǧdarlama jüzege asyryluda. Mysaly, №1 industrialdyq parktıŋ jūmysy asa qarqyndy jürıp jatyr. Ol jerde 49 käsıporyn jūmys ısteidı. Bız ekınşı industrialdyq parktı aşuǧa kırıstık. Käsıpkerlerge qolaily boluy üşın «Bizneske arnalǧan Ükımet» dep atalatyn alaŋ aşamyz. Sol jerde «bır tereze» qaǧidatymen barlyq kömek türlerın aluǧa bolady, – dedı Altai Seidırūly.
Sonymen qatar qala basşysy şaǧyn jäne orta biznestı damytu boiynşa azamattarǧa jeke qabyldau ötkızdı. Ol mūndai kezdesulerdıŋ jüielı türde ötetının jetkızdı. Taraptar yntymaqtastyq jäne özara ıs-qimyl jönındegı memorandumǧa qol qoidy.
