Dostyq pen tatulyq, kelısım men bırlık siiaqty adam syilastyǧyn bıldıretın sözder qūlaqqa jattandy estılgenımen, şyn mänınde, ornyqty qoǧamnyŋ berık negızın qalaityn maŋyzdy faktor ekenıne közımız jetıp otyr. Bızdıŋ memlekettıŋ qol jetkızgen jetıstıkterınıŋ bastauynda bükıl qazaqstandyqtardyŋ özara dostyǧy men yntymaǧy körnekı jerden oryn aluynyŋ basty sebebı de osynda. Ärbır azamattyŋ teŋ qūqylyǧyn etnosaralyq qarym-qatynastyŋ negızgı qaǧidaty sanaityn memleket saiasaty alǧaş ret 1995 jyly 30 tamyzda ötkızılgen respublikalyq referendumda qabyldanǧan Ata zaŋymyzda jazyldy. Onda «Tegıne, äleumettık, lauazymdyq jäne mülıktık jaǧdaiyna, jynysyna, näsılıne, ūltyna, tılıne, dınge közqarasyna, nanymyna, tūrǧylyqty jerıne bailanysty nemese kez kelgen jaǧdaiattar boiynşa eşkımdı eşqandai kemsıtuge bolmaidy» dep, etnostar men konfessiialar arasyndaǧy kelısımnıŋ jaŋa ülgısın jariia ettı.
Ata zaŋymyzdyŋ taǧy bır artyqşylyǧy – tituldy jäne tituldy emes halyq dep qazaqstandyqtardyŋ arasyn aşqan joq. Qazaq tılı – memlekettık tıl, orys tılı resmi türde qazaq tılmen teŋ qoldanylady. Būl özge etnos arasynda qoldau tauyp, olardyŋ jauapkerşılıgın arttyrdy. Jaŋa zaŋ qabyldanǧan künnen bastap etnostardyŋ öz mädenietı men tılın, tarihyn zerdeleuge barlyq mümkındık jasaldy. «Ärtürlılık arqyly – bırlıkke» degen bırıktıruşı qaǧidat jaŋa män-maǧynasymen tolyqty.
Bızder, ärtürlı etnostardyŋ ökılderı, öskeleŋ ūrpaqtyŋ bolaşaǧyna alaŋdamaimyz. Elımızdegı halyqtar arasyndaǧy dostyq pen bırlıktıŋ, taǧattylyq pen tözımdılıktıŋ, özara qūrmettıŋ saltanat qūratynyna senımdımız. Sebebı, būǧan bızdıŋ Konstitusiiamyz kepıldık bergen.
Salman GEROEV,
«Vainah» şeşen-inguş
etnomädeni ortalyǧynyŋ jetekşısı
