Elordada Ūly Otan soǧysynyŋ 18 ardagerı tūrady. Olardyŋ barlyǧy Jeŋıs künıne orai 1 million teŋgeden astam bırjolǧy tölem alady. Nūr-Sūltan qalasyndaǧy maidangerlerdıŋ eŋ ülkenı – 102 jasta, eŋ kışısı – 96 jasta.
Jeŋıldıkter boiynşa Ūly Otan soǧysynyŋ ardagerlerıne teŋestırılgender, ChAES qatysuşylary men mügedekterınen basqa, 111300 teŋgeden alady. Barlyǧy 410 adam, onyŋ ışınde – ŪOS kezınde qyzmet etken äskeri qyzmetşıler, faşistık Germaniiaǧa qarsy ūrys qimyldaryna qatysqan adamdar, Leningradta blokada kezeŋınde jūmys ıstegen azamattar, konslagerlerdıŋ kämeletke tolmaǧan tūtqyndary, jaralanuy saldarynan mügedek bolǧan äskeri qyzmetşıler. Basqa memleketter aumaǧyndaǧy ūrys qimyldarynyŋ ardagerlerı (Auǧanstandaǧy ūrys qimyldarynyŋ ardagerlerınen basqa) – Täjık-Auǧan uchaskesınde mındetterdı oryndaǧan, İraktaǧy halyqaralyq bıtımgerlık operasiiaǧa qatysqan, Tauly Qarabaqtaǧy etnosaralyq qaqtyǧysty retteuge qatysqan äskeri qyzmetşılerge 63600 teŋge mölşerınde tölem közdelgen. Elordada osy tızımge jatatyn 810 adam bar.
Tyl eŋbekkerlerı (1946 adam), qaza tapqan äskeri qyzmetşılerdıŋ otbasylary, ŪOS qaitys bolǧan mügedegınıŋ jūbaiy (zaiyby), ChAES qatysuşylary qataryndaǧy oqşaulau aimaǧynan evakuasiialanǧan (öz erkımen ketken) adamdar 9 mamyrǧa deiın 34980 teŋgeden alady. Barlyǧy – 2686 adam.
Ardagerler tölemderdı keşeden berı ala bastady. Sonymen qatar jergılıktı biudjet esebınen Ūly Otan soǧysy ardagerlerıne kelesı tegın qyzmetter körsetıledı:
– kommunaldyq qyzmetter üşın aqşalai ötemaqy, ol päter alaŋyna bailanysty ai saiyn 5-ten 8 AEK-ke deiın bölınedı;
– därı-därmekpen qamtamasyz etu;
– merzımdı basylymdarǧa jazyluǧa, monşalarǧa, şaştarazdarǧa baruǧa äleumettık kömek (jyl basynda jeke şottarǧa 6,5 AEK audarylady);
– sanatorlyq-kurorttyq emdeu qyzmetterı;
– qalalyq jolauşylar kölıgınde jeŋıldıkpen jüru;
– tıs protezdeu qyzmetterı.
