Maŋyzdy mäseleler ­- talqylandy

Keşe Nūr-Sūltan qalasy äkımınıŋ orynbasary Eset Baiken qalalyq mäslihattyŋ kezekten tys sessiiasynda jergılıktı biudjetten qarjylandyrylatyn ūiymdar qyzmetkerlerıne jalaqy ­köteru mäselesı boiynşa esep berdı. Jiynda negızgı mäsele retınde elordanyŋ 2021 jylǧa arnalǧan ­biudjetınıŋ igerıluı mäselesı qaraldy. Sonymen qatar ielıktegı jer telımderın memleket mūqtajy üşın paidalanu, keibır bılım beru ūiymdaryna ataular beru, mäslihat deputatynyŋ ökılettıgın toqtatu siiaqty taǧy bırqatar mäseleler talqylandy.

56 ŪIYM QYZMETKERINIŊ JALAQYSY ÖSEDI

Sessiiany jürgızgen qalalyq mäslihat hatşysy Erlan Kanalimovtyŋ aituynşa, soŋǧy üş jylda mäslihat deputattary biudjet qyzmetkerlerınıŋ jalaqysyn köteru mäselesı boiynşa ūsynysty Senat pen Mäjılıske jäne ortalyq atqaruşy organdarǧa bırneşe ret joldady. Būl mäsele Ükımettıŋ qaulysymen retteledı. Qala äkımınıŋ orynbasary Eset Baiken būl ūsynystyŋ qorytyndysymen tanystyrdy.

Onyŋ sözınşe, Ükımettıŋ qaulysyn oryndau maqsatynda biylǧy 7 mausymda Nūr-Sūltan qalasy äkımdıgınıŋ tiıstı qaulysy şyqty. Soǧan säikes, äleumettık qorǧaudyŋ 9 ūiymy, densaulyq saqtau salasynyŋ 2 ūiymy, jastar saiasaty mäselelerı boiynşa 1 ūiym, Tılderdı damytu jäne arhiv ısı basqarmasynyŋ 2 ūiymy, qorǧanys salasynyŋ 2 ūiymy, Işkı saiasat basqarmasynyŋ 1 ūiymy, tūrǧyn üi salasynyŋ 1 ūiymy, sport salasynyŋ 16 ūiymy, mädeniet salasynyŋ 12 ūiymy qyzmetkerlerınıŋ jalaqysy 30 paiyzdan 100 paiyzǧa deiın östı.

– Būl jūmystyŋ bärı Memleket basşysynyŋ tapsyr­masymen Ükımet ökılettık bergen ortalyq atqaruşy organdarymen bırlesıp atqaryldy. Osylaişa elordanyŋ 56 ūiymyndaǧy jalaqysy tömen bolǧan 4 myŋnan astam qyzmetkerdıŋ jalaqysy ösedı. Būǧan jyldyŋ aiaǧyna deiın 1 milliard 256 million teŋge qajet. Tiıstı qarjy biylǧy biudjette qarastyrylǧan, – dedı Eset Baiken.

BYLTYRǦY BIýDJET QALAI İGERILDI?

Elordanyŋ 2021 jylǧa arnalǧan biudjetınıŋ igerıluı mäselesı boiynşa qalalyq Qarjy basqarmasynyŋ basşysy Älıbi Jūmaev baiandama jasady. Onyŋ aituynşa, ötken jyly qala biudjetıne 720 mlrd 378 mln teŋge tüstı. Jospar 43 mlrd 156 mln teŋgege artyǧymen oryndaldy. Sonyŋ ışınde jeke tabys 496 mlrd 264 mln teŋgenı qūrady. Al byltyr salyqtan 455 mlrd 273 mln teŋge qarjy tüsken. Biudjet şyǧysy bolsa ötken jyly 699 mlrd 900 mln teŋgenı qūrady. Biudjettı igeru körsetkışı – 97,2 paiyz.

Sonyŋ ışınde Qūrylys basqarmasy qarjynyŋ 53,8 paiyzyn (11 mlrd 45 mln teŋge) igermegen. Otyn-energetika keşenı jäne kommunaldyq şaruaşylyq basqarmasy biudjettıŋ 38,4 paiyzyn (7 mlrd 875 mln teŋge), Bılım basqarmasy 1,5 paiyzyn (315 mln teŋge), Polisiia departamentı 1,4 paiyzdy (279 mln teŋge), Dene şynyqtyru jäne sport basqarmasy 1,2 paiyzdy (247 mln teŋge) igere almai qalǧan.

– Biudjet igerılmeuınıŋ basty sebepterı – qūrylys materialdarynyŋ qymbattauy, tehnikalyq-ekonomikalyq negızdemelerdı, smetalyq qūjattamalardy tüzetu. 2021 jyldyŋ qorytyndysy boiynşa biudjet qarajaty uaqytyly igerılmegenı üşın 15 lauazymdy tūlǧa jauapkerşılıkke tartyldy, – dedı Älıbi Jūmaev.

Ötken jyldyŋ biudjetın igeru qorytyndysymen qalalyq Tekseru komissiiasynyŋ töraǧasy İmanjüsıp Aqpombaev tanys­tyrdy. Qalalyq mäslihattyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiia­synyŋ töraǧasy Vladislav Sergeev byltyrǧy biudjettı igeru boiynşa mäslihattyŋ qorytyndysyn jariialady.

QANDAI NYSANDAR BOI KÖTEREDI?

Qalalyq Tūrǧyn üi jäne tūrǧyn üi inspeksiiasy basqarmasynyŋ basşysy Änuar Saipov 12 nysan qūrylysy üşın 69 jer telımın satyp alu şarty jobasymen tanys­tyrdy. Būl – Şarl de Goll jäne A.Toqpanov köşelerınıŋ qiylysyndaǧy köşe qūrylysy, Ş.Aitmatov köşesınen batysqa qarai Esıl özenın qaita qūru (altynşy kezeŋ), Qabanbai batyr daŋǧyly men Husein ben Talal köşesı qiylysyndaǧy äkımşılık ǧimarat qūrylysy, Täuelsızdık daŋǧyly men Şarl de Goll köşesı qiylysynda japsarjailary men parkingı bar köppäterlı tūrǧyn üi qūrylysy, A50 men A51 köşelerınıŋ qūrylysy, E796 jäne E899 köşelerı qiylysynda mektep qūrylysy, Ş.Qosşyǧūlūly, 8 aumaǧyn abattandyru, «Telman» tūrǧyn alabynda qoǧamdyq keŋıstıktı salu, K.Kümısbekov jäne Ş.Qosşyǧūlūly köşelerı qiylysynda japsarjailary men parkingı bar köppäterlı tūrǧyn üi qūrylysy, E114 köşesı aumaǧynda rezidensiia nysandary qūrylysy, №38 köşeden Abylai han daŋǧylyna deiıngı aumaqta Husein ben Talal köşesınıŋ qūrylysy, A.Baitūrsynūly jäne A51 köşelerı qiylysynda RP-9 qūrylysy.

Qalalyq mäslihat deputaty Nazgül Maqjannyŋ ökılettıgı öz erkımen toqtatyldy. Ärıptesterı, mäslihat hatşysy oǧan alǧysyn aitty.

BILIM BERU ŪIYMDARYNA ATAULAR ŪSYNYLDY

Nūr-Sūltan qalasy Tılderdı damytu jäne arhiv ısı basqarmasynyŋ basşysy Säken Esırkep biylǧy 28 säuırde qalalyq onomastika komissiiasy bırqatar bılım beru ūiymdaryna ūsynylǧan ataulardy talqylap, maqūldaǧanyn mälımdedı. Atap aitqanda, №1 mektep-liseige ekı märte Keŋes Odaǧynyŋ Batyry, aviasiia general-maiory Talǧat Bigeldinovtıŋ, №70 mektep-liseige körnektı memleket jäne qoǧam qairatkerı Temırbek Jürgenovtıŋ, №92 mektep-liseige geologiia, mineralogiia ǧylymdarynyŋ doktory, akademik Aqjan äl-Maşanidıŋ, №65 mektep-gimnaziiaǧa Alaş qairatkerı, qazaq ädebietınıŋ asa körnektı ökılı Maǧjan Jūmabaevtyŋ, №88 mektep-liseige Qazaqstannyŋ halyq jazuşysy Qadyr Myrza Älı, №1 öner mektebıne äigılı küişı-kompozitor Tättımbettıŋ esımderın beru ūsynyldy.

Mäslihat deputaty ­Läzzat Razbekova-Töleuhanova bolaşaqta elordanyŋ mektepterınıŋ bırıne qazaq ädebietınıŋ kör­nektı ökılı Dulat Babataiūlynyŋ esımın berudı qarastyrudy ūsyndy.