Nūr-Sūltan qalasy äkımdıgınıŋ qoldauymen Barys Arena Pool olimpiadalyq basseinınıŋ bazasynda Balalar jyly aiasynda 2010-2015 jyldary tuǧan balalar arasynda sinhrondy jüzuden Nūr-Sūltan qalasynyŋ aşyq kubogy öttı. Jarysqa elımızdıŋ är öŋırınen kelgen 80-nen astam sportşy ekı kün boiy baqtaryn synady.
Is şaranyŋ aşylu saltanatyna Nūr-Sūltan qalasy Dene şynyqtyru jäne sport basqarmasynyŋ basşysy Samat Jylqybaev qatysyp, jetkınşekterge sättılık tıledı.
Elordalyq komandamen qatar jarysqa Almaty, Taldyqorǧan, Qaraǧandy jäne Temırtau qalalarynan kelgen jüzuşıler baǧdarlamanyŋ 4 türınen (duet, jekelei, miks-duet, toptyq) synǧa tüstı. Jarys qorytyndysy boiynşa erkın toptyq baǧdarlamanyŋ ekı sanaty boiynşa jeŋımpaz komandalar anyqtalyp marapattaldy. «A» sanaty boiynşa Taldyqorǧan qalasy men «V» sanatyndaǧy Nūr-Sūltan qalasynyŋ toptyq jüzuşılerı bırınşı oryndy ielendı.
Duet baǧdarlamasy boiynşa Almaty, Qaraǧandy jäne Taldyqorǧan qalalarynan kelgen komandalar jeŋımpaz atandy. Jeke oryndau baǧdarlamasy boiynşa qazylar alqasynan eŋ joǧary ball alǧan üzdıkter de anyqtalyp marapattaldy. Būl – Qaraǧandy qalasynan kelgen Daniia Şaukenova (51,7000), Elizaveta İshakova (51, 3000) jäne elordalyq Toǧjan Jaqsylyq (50,2000).
Baian Asylbekova
