Kezdesu barysynda taraptar Qazaqstan men BŪŪ arasyndaǧy ekıjaqty yntymaqtastyq mäselelerın talqylady, sondai-aq qarym-qatynasty odan ärı damytu perspektivalaryn qarastyrdy.
Sonymen qatar, Nūrsūltan Nazarbaev pen Pan Gi Mun halyqaralyq kün tärtıbındegı meilınşe özektı mäseleler jönınde pıkır almasty.
Memleket basşysy BŪŪ-men qarym-qatynasta Pan Gi Munnyŋ Bas hatşy qyzmetınde qol jetkızılgen özara tüsınıstıktıŋ deŋgeiı joǧary ekenın atap öttı.
– BŪŪ – asa maŋyzdy ūiym, oǧan älemnıŋ barlyq memleketterı qoldau körsetıp, bedelın nyǧaituǧa, mümkındıkterın keŋeituge tiıs dep sanaimyn. Äsırese, qazırgı kürdelı ahual kezınde būl öte qajet. Özıŋız bılesız, Qazaqstan beibıtşılıktı, integrasiia men özara tüsınıstıktı nyǧaituǧa baǧyttalǧan bırqatar ūsynys bıldırdı. Bızdıŋ el örkenietterdı bırıktıru üşın Älemdık jäne dästürlı dınder liderlerı sezın ötkızıp keledı. Iаdrolyq qarudan arylu jönındegı ūsynys bızden bastau aldy. Biyl bız Semei iadrolyq poligony jabyluynyŋ 25 jyldyǧyn atap ötemız. Sız ol jerde boldyŋyz. Būdan bölek, Bas Assambleianyŋ soŋǧy sessiiasynda bız adamzattyŋ jappai qyryp-joiatyn qarudan arylu qajettıgı jönındegı bastamany jariia ettık, – dedı Qazaqstan Prezidentı.
Pan Gi Mun Qazaqstan Prezidentınıŋ Ūiymmen serıktestık qarym-qatynastarynyŋ damuyna qosqan jeke ülesın atap ötıp, qyzmettıŋ barlyq baǧyty boiynşa BŪŪ-ǧa jan-jaqty qoldau körsetıp kele jatqany üşın Nūrsūltan Nazarbaevqa alǧys aitty.
akorda.kz
