Memleket basşysy Resei Federasiiasynyŋ ısker toptar ökılderımen kezdestı

Kezdesuge «Eurohim», «Efko», «Lukoil», «Polimetall», «Europa podşipnik korporasiiasy», «Skolkovo», «Resei temır joldary» jäne «AvtoVaz» siiaqty reseilık ırı kompaniialardyŋ jetekşılerı qatysty.

Nūrsūltan Nazarbaev odan ärı bırlese jūmys jürgızu üşın äleuettıŋ jetkılıktı ekenın, bügınde Qazaqstanda reseilıkterdıŋ qatysuymen 6 myŋǧa juyq käsıporyn tabysty jūmys ıstep jatqanyn atap öttı.

– Eleulı nätijeler, qyzǧylyqty jobalar men perspektivaly bastamalar barşylyq. Qazaqstan ekonomikasyna «Lukoil», «Gazprom», «Rusal», «Polimetall», «Eurohim» jäne basqa da köptegen kompaniialar qarjy saluda. Soŋǧy jyldardaǧy bızdıŋ basty jetıstıgımız – Euraziialyq ekonomikalyq odaqtyŋ qūryluy,  bız bügın sonyŋ aiasynda jūmys jürgızıp jatyrmyz. Qazırgı uaqytta EAEO-nyŋ qajettı zaŋnamalyq bazasy qalyptasty, tauarlardyŋ, qyzmetterdıŋ, kapital men jūmys küşınıŋ erkın qozǧalysy qamtamasyz etıldı. Būl az şarua emes. Bastysy – odaq keŋıstıgınde bızdıŋ öndıruşılerdıŋ erkın bäsekelestıgı qamtamasyz etıldı. Kelesı kezeŋ – mūnai men gazdyŋ, elektr energetikasynyŋ, jekelegen qyzmet türlerınıŋ, därı-därmektıŋ ortaq naryǧyn qalyptastyru, – dedı Qazaqstan Prezidentı.

Sondai-aq Memleket basşysy investisiialyq tartymdylyqtyŋ jaŋa satysyna köterılu üşın, qazırgı daǧdarysqa toitarys beru üşın Qazaqstanda qabyldanyp jatqan şaralarǧa toqtaldy.

Nūrsūltan Nazarbaev eldı industriialandyrudyŋ ekınşı besjyldyǧyn ıske asyru memlekettıŋ ötken jyldardaǧy jūmsaǧan küş-jıgerınıŋ arqasynda mümkın bolǧanyn atap öttı.

– İndustriialandyrudyŋ basym baǧyttary – metallurgiia, himiia i mūnai himiiasy, maşina jasau, qūrylys materialdary, azyq-tülık öndırısı. Basymdyǧy bar salalarda jūmys jürgızetın investorlar üşın korporativtık tabys salyǧynan, 10 jyl merzımge jer salyǧynan, 8 jylǧa mülık salyǧynan bosatu türındegı artyqşylyqtar qarastyrylǧan. Nysandar paidalanuǧa berılgennen keiın investorlarǧa 30%-ǧa deiın kapital şyǧyndary qaitarylatyn bolady. Şeteldık jūmys küşın qandaida bır kvotasyz jäne rūqsattamasyz tartuǧa mümkındık berıldı. Būdan bölek, 2015 jyly investorlar üşın vizasyz rejım tızımınde älemnıŋ 35 elıne deiın qamtylatyn bolady, 2017 jyldan bastap ol 54 elge deiın jetkızıledı. Qazırgı uaqytta Qazaqstanda 10 arnaiy ekonomikalyq aimaq jūmys ısteidı. AEA aumaǧynda tūtynylatyn tauarlar üşın jer, mülık jäne qosymşa qūn salyǧynan bosatu türındegı jeŋıldıkter ūsynylady. Jer uchaskesın jalǧa alu 10 jylǧa deiın tegın, – dedı Memleket basşysy.

Sonymen qatar, käsıpkerler üşın äkımşılık kedergılerdı azaitu jönındegı jūmystar turaly aityldy.

– Soŋǧy jyldarda bız rūqsat beretın qūjattar sanyn ekı ese qysqarttyq jäne olardy alu räsımderın jeŋıldettık, elektrondyq ükımet jūmys ıstep tūr. Halyqaralyq sarapşylardyŋ baǧalauynşa, älemdegı üzdık fiskaldyq saiasattyŋ bırı Qazaqstanda jürgızılude. Düniejüzılık banktıŋ «Biznes jürgızu jeŋıldıkterı» reitingısınıŋ «salyq salu» körsetkışı boiynşa, elımız 189 eldıŋ ışınen 18-orynǧa ie bolyp otyr. Düniejüzılık banktıŋ «Doing Business» reitingısı boiynşa Qazaqstan soŋǧy jyly 12 satyǧa joǧarylap, 41-orynǧa jettı. Jahandyq bäsekege qabılettılık indeksınıŋ reitingısı boiynşa 8 tarmaqqa joǧarylap, 42-orynǧa taban tıredı, – dedı Memleket basşysy.

Nūrsūltan Nazarbaev Ekonomikalyq yntymaqtastyq jäne damu ūiymy (EYDŪ) elderınıŋ täjıribesı boiynşa Qazaqstan Ükımetınıŋ memlekettıŋ ekonomikaǧa qatysu ülesın azaitu jönındegı jūmysyna nazar audardy.

– Osy maqsatta auqymdy jekeşelendıru nauqany jürgızılıp jatyr.  Mūnai öŋdeu, energetika, infraqūrylym nysandaryn qamtityn ekonomikanyŋ türlı salalaryndaǧy 800-ge juyq käsıporyn saudaǧa şyǧaryldy. Tıkelei jekeşelendıruden bölek, memleket-jekemenşık qaǧidattary negızınde de yntymaqtasuǧa äzırmız. Bız memleket pen biznestıŋ investisiia salasyndaǧy osyndai ūzaq merzımdı özara ıs-qimylynyŋ barlyq qyrlarynyŋ keşendı türde retteluın qamtamasyz etetın jaŋa zaŋ qabyldadyq, – dedı Qazaqstan Prezidentı.

Memleket basşysy elde zamanaui multimodaldy kölık-logistika haby qūrylyp, ejelgı zamannan Qazaqstan aumaǧy arqyly ötken Ūly Jıbek jolynyŋ baǧdary qaita jaŋǧyrtylyp jatqanyn aitty.

 – Qysqa merzım ışınde bız  2 myŋ şaqyrymnan astam temırjol jelısın jäne 4 myŋ şaqyrym avtomobil jolyn saldyq. Qytaidyŋ şekarasyndaǧy Qorǧas «qūrǧaq portyn» Kaspii teŋızındegı Aqtau teŋız portymen jäne odan ärı Türıkmenstan men İran arqyly Parsy şyǧanaǧyna deiın tıke bailanystyrdyq. Ūzyndyǧy 2 myŋ 800 şaqyrym «Batys Europa – Batys Qytai» avtojoly qūrylysyn aiaqtap jatyrmyz. 2019 jylǧa deiın  jalpy ūzyndyǧy 8 myŋ şaqyrymnan asatyn 17 avtojol jobasyn jüzege asyru josparlanuda. Nätijesınde bız Aziia men Europany, Soltüstık pen Oŋtüstıktı  tıkelei bailanystyratyn tolyqqandy strategiialyq kölık dälızıne ie bolamyz. Mäselen, Qytaidan İranǧa bet alǧan jük teŋız jolymen bır ai, bır jarym ai jürse, sondai tasymal qūny boiynşa Qazaqstan arqyly 15 künge juyq uaqytta jetedı, – dedı Nūrsūltan Nazarbaev.

Būdan bölek, Qazaqstan Prezidentı «Astana» halyqaralyq qarjy ortalyǧy» jobasyn  ıske qosu josparlanyp otyrǧanyn eske saldy.

– Osyndai ortalyqtardyŋ qūrylu tarihyn zerttei kelgende, bız üşın Dubaidyŋ täjıribesı meilınşe tartymdy boldy. Halyqaralyq qarjy ortalyǧy özıne AQŞ, Singapur, Ūlybritaniia qarjy naryqtarynyŋ eŋ üzdık täjıribesın ülgı retınde alyp, investorlarǧa qolaily jaǧdailardy qamtamasyz etedı. Mūndai ortalyqtyŋ postkeŋestık aumaqta balamasy bolmaidy. Korporativtık jäne jeke tabys salyǧyn, jer jäne mülık salyǧyn töleuden 50 jyl merzımge bosatu közdelude. Zaŋnama aǧylşyn qūqyǧy qaǧidattaryna negızdeletın bolady. AHQO-ǧa qatysuşylar jäne olardyŋ qyzmetkerlerı üşın jeŋıldetılgen viza jäne eŋbek rejımı qoldanylady, – dedı Nūrsūltan Nazarbaev.

Soŋynda Memleket basşysy reseilık investorlarǧa bızdıŋ eldegı ıskerlık salasyna belsene atsalysyp kele jatqandary üşın rizaşylyq bıldırıp, Astanadaǧy EKSPO-2017 körmesıne qatysuǧa şaqyrdy.