«Menıŋ Qazaqstanym» poiyzy oraldy
Keşe elordanyŋ bas qaqpasy Astana vokzalyna aiǧa juyq elımızdıŋ barlyq aimaǧyn aralap kelgen «Menıŋ Qazaqstanym» poiyzy oraldy. Saltanatty şaraǧa Parlament Mäjılısınıŋ deputattary, Qazaqstan halqy assambleiasynyŋ müşelerı jäne memlekettık mekemeler men etnomädeni bırlestıkterdıŋ ökılderı qatysty.
Otyz kün boiy elımızdıŋ 29 qalasy men eldı mekenderınde bolyp, Memleket basşysynyŋ «Nūrly jol – bolaşaqqa bastar jol» atty Joldauyn tüsındırıp, «Mäŋgılık el» ideiasyn därıptep, şalǧaidaǧy jūrtşylyqpen jaqyn tıldesıp, olardyŋ mūŋ-mūqtajyn estıp, eldegı tūrǧyndarǧa medisinalyq-äleumettık qyzmet körsetıp, türlı mädeni-sporttyq şaralar ötkızıp, oiǧa alǧan barlyq maqsatty oryndap oralǧan sapardyŋ mänı taǧylymdy düniege toly boldy. Aksiia aiasynda qoǧamdyq kelısım keŋesınıŋ qabyldauynda äleumettık mäselelerı boiynşa 1893 adam keŋes alyp, biz-
nes jäne auylşaruaşylyq sala-lary jönınde qoiylǧan 1616 azamattyŋ sūraqtaryna jauap berılgen. Al mädeni şaralardy 180 myŋ
körermen tamaşalasa, jalpy, osy aksiiaǧa 960 myŋ qazaqstandyq qatysqan. Sondai-aq, ızgı şara kölemınde elımızdıŋ barlyq öŋırlerınde «Salamatty Qazaqstan», «Densaulyq» jäne «Järdem» medisinalyq poiyzdary tūrǧyndarǧa därıgerlık kömek körsettı.
Bır erekşelıgı, «Menıŋ Qazaqstanym» poiyzy tek el aralap qana qoimai, tarihi jerlerge de bas būryp, arnaiy at şaldyrǧan. Mäselen, Jer jännaty Jetısuda bolǧanda, körnektı ǧalym Şoqan Uälihanovtyŋ, Semeide Abai atamyzdyŋ tarihi mūrajailarynda bolyp, kezdesuler ötkızgen. Sondai-aq, Qazaqstan halqy assambleiasynyŋ «Teŋdessız syilyq» aksiiasy aiasynda şalǧai auylda ornalasqan kıtaphanalarǧa qajettı kıtaptar tartu etıldı.
– Bügın bızdı elordanyŋ özı aspannan jauǧan nūrmen qarsy alyp tūr. Būl – jaqsylyqtyŋ belgısı. Bız barǧan barlyq jerde tabiǧat-ananyŋ özı de osylai jadyrap, jai-nap tūrdy. Barlyq el bızdı qūşaq jaia qarsy alyp, ystyq yqylastaryn körsettı. Būdan artyq qandai quanyş kerek. Bızdıŋ eldıŋ dostyqqa degen, bırlıkke degen ıltipaty erekşe. El ışınen sony baiqadyq. Halyqtyŋ köŋıl küiı jaqsy, bız barǧan qalalar men eldı mekenderde köptegen oŋ özgerıster bolyp jatyr. Poiyzda jalpy sany 200-ge juyq adam boldy. Olardyŋ barlyǧy da tūrǧyn-
darǧa qyzmet körsettı, – dedı «Menıŋ Qazaqstanym» poiyzynyŋ jetekşısı Ǧazez Telebaev.
Azamat ESENJOL