QR Memlekettık hatşysy Gülşara Äbdıhalyqova Q.Quanyşbaev atyndaǧy memlekettık akademiialyq Qazaq muzykalyq drama teatrynyŋ Ūly Jeŋıstıŋ 70 jyldyǧyna tartuy – «Tyraulap ūşqan tyrnalar» atty lirikalyq dramasyn tamaşalady. Teatrdyŋ körkemdık jetekşısı Talǧat Temenov sahnalaǧan tuyndy qazaq soldaty men nemıs qyzynyŋ arasyndaǧy maidandaǧy mahabbat hikaiasynan syr şertedı.
– Būl qoiylym, eŋ bırınşıden, aǧalarymyz ben apalarymyzdyŋ maidanda körsetken ülken erlıgı turaly baiandaidy. Odan keiın mahabbatqa, Otanǧa degen süiıspenşılıkke, erlık pen öjettılıkke ündeidı. Qazaqstan jerınen 1 million 800 myŋnan astam azamat soǧysqa attandy. Olardyŋ jartysy jer jastandy. Qazır elımızde 4700-den astam ardager bar. Olarǧa barlyq qūrmet körsetılıp jatyr. Jyl boiyna da körsetıle beredı. Al, myna qoiylym barlyǧymyzdyŋ boiymyzda patriottyq sezımdı oiatady dep oilaimyn» dedı Gülşara Äbdıhalyqova.
Memlekettık hatşymen bırge qoiylymdy tamaşalauǧa Parlament deputattary, belgılı mädeniet jäne öner qairatkerlerı, ziialy qauym ökılderı keldı. Solardyŋ arasynda bolǧan «Qazaqstan Respublikasy ardagerler ūiymy» respublikalyq qoǧamdyq bırlestıgı Ortalyq keŋesınıŋ töraǧasy Ömırzaq Ozǧanbaev Ūly Jeŋıstıŋ 70 jyldyǧy qarsaŋynda soǧys jyldarynda halqymyzdyŋ erlıgın körsetetın, adamdardyŋ psihologiiasyn, tabiǧatyn aşa tüsetın şaralar turaly habar berdı. Onyŋ aituynşa, jaqyn künderı bükıl respublikany qamtyǧan «Qairan erler – qaharman ardagerler» festivalınıŋ qorytyndysy şyǧarylmaq. Naqty aitsaq, 22 säuır künı ötetın gala-konsertte festival jeŋımpazdaryn marapattau räsımı ötedı.
Amanǧali QALJANOV
