Möldır Äuelbekova, estrada änşısı: ASTANADA ARMANDAR ORYNDALADY
Airyqşa dausy men biiazy qazaqylyǧynyŋ arqasynda köpşılıktıŋ közaiymyna ainalǧan Möldır Äuelbekova dästürlı aidarymyzdyŋ bügıngı qonaǧy bolyp otyr. «Astana aqşamy» gazetınıŋ redaksiiasy men saityna kelıp tüsken hat ielerınıŋ bırazy änşı qyzǧa arnaǧan saualdaryn joldapty.
– Otbasylyq jaǧdaiyŋyzǧa bailanysty jaŋa jylda Astanaǧa köşıp keldıŋız. Jaqynda «Astana» atty jaŋa änıŋız jaryqqa şyqty. Bas qalanyŋ qandai erekşelıkterı sızdı quantuda?
Jambyl OTARBAI,
student
– İä, tūrmys qūrǧaly berı elordanyŋ tūrǧyny atandym. Jasyratyny joq, oǧan deiın būl jaqty suyq şahar retınde elestetetınmın. Menıŋ oiymda Astana degen söz tek sondai sipattamamen ǧana bailanysatyn. Bıraq mūndaǧy mädeniet pen tazalyqtyŋ janynda basqa kemşılıgı baiqalmaidy eken, tıptı. Jalpy, mūntazdai ūqyptylyqty ärbır astanalyq ömır daǧdysy qylyp qalyptastyrypty. Elordada jastar köp. Kün saiyn Qazaqstannyŋ tükpır-tükpırınen appaq armandaryn arqalaǧan adamdar osynda qonys audaryp jatyr. Olardyŋ jetem dep qol sozǧan maqsat-mūrattary bas qalada baianyn tabatynyna senemın. Öitkenı, osy jer – sansyz mümkındıkterdıŋ mekenı.
– Sūlulyqtyŋ qūpiiasy nede?
Äsem MŪŊAITPASOVA,
därıger
– «Tamaǧy toqtyq, jūmysy joqtyq azdyrar adam balasyn» dep Abai atam aitqandai, sūlulyq jambastap jatqannan qaşady. Kışkentai künımnen kerılıp jatudan aulaqpyn. Bala künımnen-aq sporttyŋ bırneşe türıne qatystym. Qazır de sol qalyptan taiǧan joqpyn.
– Hit ändı qaidan ızdeu qajet?
Oljas SAQYPOV, qarjyger
– «Hit ändı myna jerden ızdeŋız» deitındei naqty mekenjaiyn bılmeidı ekenmın. Ärkımnıŋ baǧy men baby bar. Än de solai. Oryndauşysyn tapsa, tyŋdauşysyn da mındettı türde tabady.
– Biyl sız qatysqan «Jūldyzdar aitysady» şouy taǧy da halyqtyŋ synyna ūşyrady. Estrada jūldyzdarynyŋ osylai aitysuyna özıŋız qalai qaraisyz?
Nabat QALJIGIT, bank qyzmetkerı
– Biyl da, byltyr da şou-aitys synda jür. Menıŋşe, oǧan oŋ közben qarauǧa tyrysu kerek. Şou-aitys – xalyqtyŋ qyzyǧuşylyǧyn arttyru maqsatymen jasalǧan dünie. Özımnıŋ de maqsatym – osyndai ıske kışkene de bolsa üles qosu edı. Şarada bızdıŋ aqyndyǧymyz emes, şou körsete bılu qabıletımız tanyldy. Synnan qoryqpaimyn. Halyq aitqan oryndy syndy qabyldap, tüzetuge tyrysamyn.
– Dausyŋyzdy qalai kütesız? Jūmyrtqanyŋ sūiyǧyn ışıp, auyzǧa jaŋǧaq salu degen ädısterdı qoldanasyz ba?
Ruslan MÄKIŞOV, asaba
– Dauys – Allanyŋ syiy. Oǧan kütım jasau – tiianaqtylyqtyŋ, jauapkerşılıktıŋ belgısı dep bılemın. Salqyn jäne gazdalǧan susyndardy ışpeuge tyrysamyn. Jaŋǧaq jäne pıstenı müldem as äzırıne qospaimyn. Sonymen qatar, dauysqa arnalǧan ärtürlı jattyǧular jasau kündelıktı ädetımde bar.
– Bügınde «Jetınşı arnadan» berıletın «Künbastar» baǧdarlamasyn jürgızıp jürsız. Negızı sızdıŋ jürgızuşılık qabıletıŋızdı köpten berı bılemız. Osy oraida jūrtşylyq arasynda «Änşıler jurnalisterdıŋ nanyn tartyp aldy» degen pıkır bar. Būǧan ne aitasyz?
Aigül JANGELDI, jurnalist
– Osy sūraqty kerısınşe qoiyp körgen jurnalist bar ma eken?! Eger ol käsıbi maman, öz ısınıŋ mınsız şeberı bolsa, nazardan tys qalyp qoiuy mümkın emes dep oilaimyn. Mysaly, belgılı telejürgızuşı Läila Sūltanqyzynyŋ köp jyldyq eŋbegınıŋ kuägerımız. Deŋgeiı myqty kısı! Kez kelgen baǧdarlamany, konserttı, forumdy sapaly jürgıze bıledı. Sondai şarua qoldaryŋyzdan kelse, marhabat! Mäsele änşınıŋ jürgızuşı nemese jürgızuşınıŋ änşı boluynda emes. Öz mamandyǧynan mülde alys änşıler de jetkılıktı. Senıŋ käsıbıŋ emes dep qaisybırıne kınä artuǧa bolady?! Öz basym maǧan ūsynylǧan jūmystyŋ qolymnan kelıp, şamam jetkenıne ǧana kelısımımdı beremın. Bıreudıŋ nany tügılı qaltasyna qaraudan aulaqpyn. Telearnalar, ūiymdastyruşylar şaqyratyny ras. Ekı auyz sözdıŋ basyn qosa almaityn, tılge şorqaq adammyn dep oilamaimyn.
– Möldır üşın toi-biznes pen şou-biznestıŋ arasynda şekara bar ma? Toiǧa kigen kiımdı sahnaǧa kiıp, toida aitqan ändı sahnada şyrqap jüresız be, älde ärqaisysynyŋ öz orny bar ma?
Künzira OSPANOVA, üi şaruasyndaǧy äiel
– Bızde toi bar, şou joq. Aiyrmaşylyǧy osy ǧana. Menıŋ konsertte oryndaityn astarly änderımnıŋ toida oryndaluy ekıtalai. Mäselen, «Ösiet» änın elestetıp körıŋızşı? Ännıŋ qai kezde, qai jerde oryndaluy onyŋ maǧynasyna, şyǧu tarixyna bailanysty. Repertuarymda toiǧa arnalǧan «Jezdeke» sekıldı änder bar. Būl änder menıŋ oryndauymda tek toida şyrqalady. Al kiım mäselesı oŋaiyraq. Barymyzdy kiemız.
– Prodiuserlık ısıŋız qalai damuda?
Janat ESMŪHAN, jeke käsıpker
– Men prodiuser emespın. Prodiuser degen ūǧym qazırgı taŋda sänge ainaldy. Naǧyz prodiuser dep Qydyrälı Bolmanov syndy aǧa-äpkelerımızdı aitu kerek. Men ūstazbyn. Şäkırt tärbielep, jas önerpazǧa jol sılteudı ūstazdyq dep bılemın.
– Kelın atanǧanyŋyzǧa köp bola qoiǧan joq. Üi men önerdı qatar alyp jüru qiyn ba? Küieuıŋız nemese onyŋ tuystary sızdıŋ şyǧarmaşylyqpen ainalysuyŋyzǧa qarsy emes pe?
Begımzada KÖŞQALİEVA, bala kütuşısı
– Adamnyŋ nietı tüzu bolsa, qiyndyq tumaidy. Üi men önerdı qatar aluda auyrtpaşylyqtyŋ bolu-bolmauy özıme bailanysty. Aldyŋǧy qatarǧa otbasymdy qoiǧanymdy körıp otyrǧan joldasym, kerısınşe, önerıme ülken qoldau bıldırude. Şaŋyraǧymyzda men üşın aldymen Qūdai qosqan qosaǧymnyŋ rizaşylyǧy maŋyzdy. Sol sebeptı de, konsert bolsyn, tüsırılım bolsyn, eŋ äuelı otaǧasynan rūqsat alamyn.
– Öner ielerı ünemı maskamen jüredı degenge kelısesız be?
Talasbek NŪRTAZİN, oquşy
– Būl – jai ǧana stereotip. Aǧylşynnyŋ äigılı aqyny Şekspir «Ömır – teatr, al adamdar – akterler» degen eken. Ömır sahnasynda bärınıŋ – meilı änşı, meilı mūǧalım, meilı qūrylysşy bolsyn, bır emes, bırneşe betperdesı bar. Sondyqtan būl närsenı bır topqa ǧana telıp qoiuǧa bolmaidy. Öner adamy da et pen süiekten jaralǧan. Onyŋ da otbasynda ne qyzmetınde qiyndyqtar tuuy mümkın. Iştegı tütındı syrtqa bıldırmei, būqaraǧa tek jaqsy köŋıl-küi syilaǧysy keletın jandy ne üşın sögemız?!
Daiyndaǧan: Botagöz MARATQYZY
