Üzdıkter üzeŋgı qaǧystyrdy
Astanada ötıp jatqan «Astana Piano Passion» jas pianister baiqauynyŋ kışı jäne orta toptaǧy qatysuşylarynyŋ bırınşı kezeŋ boiynşa nätijelerı jariialandy.
Kışı toptan Şuan Ern Li (Avstraliia), Roman Borisov, Nikolai Varlamov, Vladimir İvanov, Varvara Kutuzova (Resei) jäne qazaqstandyq Sanjarälı Köpbaev aqtyq synǧa joldama aldy. Orta toptan Iýkine Kuroki (Iаponiia), Oleksii Kanke (Ukraina), Iý Piol Mi (Soltüstık Koreia), Aleksandr Malofeevter (Resei) kelesı kezeŋge öttı.
«Baqytty otbasy» baspana ūsynady
Keşe «Jalpyǧa ortaq eŋbek qoǧamy» qauymdastyǧynyŋ ūiymdastyruymen baspasöz konferensiiasy öttı. Onda «Baqytty otbasy» jobasy jaiynda aityldy.
Būl joba boiynşa är adam qūrylys alaŋynda 100 saǧat (13 kün) jūmys ıstep, şarşy metrın 1200 euromen jihaz jäne tūrmys tehnikalarymen jabdyqtalǧan baspana satyp ala alady. Üiler «I-Plate» tehnologiiasy boiynşa salynatyndyqtan, qūrylysy tez aiaqtalady ärı janǧa jailylyǧymen erekşelenedı. Soltüstık Amerikadaǧy salynǧan qūrylystyŋ 80 paiyzy osy tehnologiia boiynşa jasalǧan.
Meiırbikeler merekesı
Astana qalasyndaǧy Ūlttyq ǧylymi kardiohirurgiialyq ortalyqta halyqaralyq meiırbikeler künıne orai «Mamandyǧym – menıŋ maqtanyşym» atty baiqau öttı.
Būl mereke meiırbike, Ūlybritaniianyŋ qoǧam qairatkerı Florens Naitingeildıŋ tuǧan künıne orai 12 mamyrda atalyp ötıledı. Halyqaralyq Qyzyl Krest ūiymy ekı jyl saiyn onyŋ atyndaǧy medaldı älemnıŋ üzdık 50 meiırbikesıne tabys etedı. Bügınge deiın M.Smirnova, R.Ysqaqova, A.Dmitrienko, A.Dmitrieva, V.Şirokaia, L.Savchenko syndy qazaqstandyq meiırbikeler atalmyş medaldıŋ iegerı atanǧan.
Keşe…
«Däulet» sport keşenınde Halyq qaharmany S.Nūrmaǧambetov atyndaǧy halyqaralyq boks turnirınıŋ finaldyq bäsekesı öttı.
Bügın…
Bırınşı Halyqaralyq «Astana Piano Passion» klassikalyq muzyka festivalı aiasynda Beibıtşılık jäne Kelısım Saraiynda Denis Masuevtıŋ konsertı ötedı.
Erteŋ…
«Körme» ortalyǧynda VI halyqaralyq «Su arnasy-2013» atty körme jäne ǧylymi konferensiia ötedı.
Sansöilem…
Jyl basynan berı Astana qalasy boiynşa 15 myŋǧa juyq äkımşılık qūqyq būzuşylyq faktısı tırkelıp, sonyŋ 1 257 faktısı boiynşa ıs qozǧalǧan. Sonyŋ ışınde 224 ıs qūqyq būzuşylyqtyŋ ūsaq sanaty qataryna jatqyzylǧan jäne 114 ıs boiynşa hattama toltyrylǧan.
Erbol Janat
