Astana qalasy äkımdıgınıŋ Muzykalyq jas körermen teatrynyŋ ūjymy Qazaq Ūlttyq öner universitetınıŋ rektory, Qazaqstannyŋ eŋbek sıŋırgen qairatkerı Azamat Jyltyrközovpen kezdesu ötkızdı.
Kezdesu barysynda teatrymyzdyŋ direktory Ashat Maemirov pen Qazaq Ūlttyq Öner universitetınıŋ rektory Azamat Jyltyrközov käsıbi sahna men belgılı öner oqu ordasy arasynda bılım beru jäne şyǧarmaşylyq üderıstı damytu baǧytynda, bırlesken jobalardy ıske asyru jolynda bırqatar kelısımge qol jetkızıp, ärıptestık pen yntymaqtastyqty damytu boiynşa memorandumǧa qol qoidy.
Azamat Qairatūly dualdı oqytu ädısımen bılım alyp biylǧy jyldyŋ mamyr aiynda universitettı aiaqtaǧaly otyrǧan tülektermen, iaǧni qazırgı taŋda Muzykalyq jas körermen teatrynda eŋbek etıp jürgen jas artistermen oqu üderısı boiynşa oi bölısıp, diplomdyq qoiylymdardyŋ daiyndyq prosesıne qatysyp, öz tılegın jetkızdı.
Sonymen bırge biyl küzden bastap teatr bazasynda aimaqtaǧy teatr artisterınıŋ bılımın arttyru, bılıgın jetıldıru, taǧylymdamadan ötu jönınde ekı tarap arasynda şyǧarmaşylyq bailanystardy ǧylymi-praktikalyq negızde damytuǧa män beru qajettılıgı saralandy.
