Elordalyq sportşylardyŋ, Dene şynyqtyru jäne sport basqarmasynyŋ, vedomstvolyq baǧynysty ūiymdar qyzmetkerlerınıŋ küşımen taǧy 8 tonna gumanitarlyq kömek jinalyp, Qostanai oblysyna jıberıldı.
Dene şynyqtyru jäne sport basqarmasynyŋ basşysy Vasilii Levit ärıptesterıne qazırgı qiyn jaǧdaida kömek körsetkenı üşın alǧysyn bıldırdı.
Sondai-aq astanalyq sportşylar İlia İlin, Vasilii Tahtai, Sergei Syrulnikov, Abzal Ajgaliev, Merei Aqşalov, Aitym Jaqypov jäne karate federasiiasynyŋ, gimnastika federasiiasynyŋ ökılderı su tasqynynan zardap şekkenderge gumanitarlyq kömek körsetude. Būǧan deiın Amanat partiiasynyŋ Astana qalalyq filialynyŋ küşımen, «Jastar ruhy» jastar qanatymen, «Astana jastary» JRO erıktılerımen bırlesıp, qala äkımdıgınıŋ, qalalyq mäslihat deputattarynyŋ, qoǧam qairatkerlerınıŋ, ükımettık emes ūiymdardyŋ, şaǧyn, orta jäne ırı biznes ielerınıŋ qoldauymen gumanitarlyq kömek jinalyp, öŋırlerge joldandy.
Sonymen qatar elordalyq Qazaqstan halqy assambleiasy Dostyq üiınıŋ bazasynda su tasqynynan zardap şekken öŋırlerdıŋ tūrǧyndary üşın gumanitarlyq kömek jinau boiynşa äleumettık aksiia ūiymdastyrdy. Kömek Aqmola jäne Qaraǧandy oblystarynyŋ tūrǧyndaryna jetkızıldı. Zardap şekkenderge kiım, tamaq, gigiena qūraldary, tösek-oryn, ydys-aiaq jäne därı-därmek jinaldy.
Esterıŋızge sala keteiık, elordada gumanitarlyq kömektı qabyldaityn 9 punkt jūmys ısteidı, jiynǧa 30-ǧa juyq erıktıler ūiymy qatysady. Kün saiyn 200-den astam erıktı qajettı zattardy sūryptap jıberedı. Jinalǧan kömektıŋ ışınde kiım, azyq-tülık, gigiena qūraldary men aiaq kiım – basty qajettı zattar. Erıktıler qarjylai kömektı qabyldamaidy. Niet bıldıruşıler jinau oryndaryna qajettı zattardy jinap, äkele alady.
