ÖRKENDEU KEPILI – ÖNIMDI EŊBEK
Damyǧan elderdıŋ ekonomikasyna zer salsaq, aldymen öndırıstı modernizasiialau arqyly önım sapasyn arttyrady. Osynyŋ negızınde jaŋa jūmys oryndary aşylyp, adamdar jūmyspen qamtyluda.
Elbasy «Qazaqstannyŋ äleumettık jaŋǧyrtyluy: Jalpyǧa ortaq Eŋbek qoǧamyna qarai 20 qadam» atty baǧdarlamalyq maqalasynda myna mäselenı basa atap ötken edı: «Äleumettık jaŋǧyrtu bügınde yqtimal synaqtar men täuekelder turaly anyq tüsınık boluyn talap etedı. Jäne mūny tek barlyq deŋgeidegı memlekettık qyzmetşıler ǧana emes, sondai-aq äleumettık jaŋǧyrtular baǧyttalyp otyrǧan bükıl qoǧam, barşa halyq tüsınuge tiıs. Bırınşı. Bız ekonomikalyq jäne äleumettık jaŋǧyrtu barynşa sinhrondy jüruı tiıstıgın eskeruımız qajet. Jaŋa öndırıster, bılım beru men ǧylymnyŋ jaŋa jüielerı, orta tapty damytu, äleumettık kepıldemelerdı keŋeitu, qazaqstandyqtar sanasynda ülken özgerıster qalyptastyruy tiıs». Mıne, qaisybır memleket bolmasyn, bılım men ǧylymnyŋ jüielı ūştasyp damuy alǧy kezekke şyǧyp otyr.
Täuelsızdıkke qol jetkızgen jyldary sapaly bılım beruge erekşe maŋyz berılıp, jaŋa tehnologiiany meŋgeru qajettıgı kün tärtıbınde tūrdy. Sosyn şaǧyn jäne orta biznestı örkendetuge qadam jasaldy. Şaruasyn döŋgeletken qojalyqtar öndırıs aiasyn keŋeitu maqsatyn közdep, bankıden qarajat aldy. Qysqasy, «memleket bızge ne beredı?» degen dämenıŋ sölı tausylyp, eptıler önımdı äzırleuge ūmtylys jasady.
Qazır otandyq tauarlardyŋ sany bırneşe ese artty. Qazaqstannyŋ tükpır-tükpırınde boi kötergen jaŋa nysandar halyqtyŋ qajetın öteude. Äleumettık-ekonomikalyq deŋgeiımızdı osydan on jyl būrynǧy körsetkışpen salystyrsaq, ösu qarqynyn aŋǧarar edıŋız. Jyl basynan bır jarym myŋǧa juyq biznes subektısıne memleket tarapynan qoldau körsetılgen. Elordanyŋ özınde jüzge tarta biznes-joba äzırlenıp, subsidiialauǧa ūsynys jasaldy. Elımız boiynşa naqty kezeŋde 132 myŋ jūmys orny saqtalyp, jaŋadan 19 myŋ jūmys orny aşylǧan. Al, aldaǧy merzımde 3 myŋ jaŋa eŋbek ornyn aşu közdelıp otyr.
Biylǧy nauryz aiynda Astanada «Biznestıŋ jol kartasy-2020» baǧdarlamasyna orai arnaiy keŋes ötkızılıp, tiıstı ministrlık ökılderı atqarylǧan jūmystar boiynşa oi bölıstı. Öz habarlamasynda «Damu» AQ basşysy öŋdeuşı önerkäsıp, kölık qyzmetı men balyq şaruaşylyǧyn örıstetuge arnalǧan jobalardy qarjylandyruǧa ūsynys tüskenın jetkızdı. Alaida, sudan şyqqan balyqty tıkelei bazarǧa jetkızu ısı tyiylmai keledı. Sondyqtan da balyq zauyttary tapşylyqtyŋ tauqymetın tartuda.
Osy jiynda jobalardy qarajattandyrudyŋ jaŋa mehanizmı qarastyryldy. Baǧdarlamanyŋ bırınşı baǧyty şeŋberınde ainalymdyq kapitaldy tolyqtyrudan alynǧan nesielerdı qarajattandyrudy jyldam retteu kerek. Sondai-aq, ülestı satyp aluǧa negızdelgen jobalardyŋ baǧdarlamaǧa qatysuyna tyiym saluymyz şart. Būl töŋırektegı ıster jergılıktı jerlerde de äbden süzgıden ötıp, bolaşaǧy bar jobalardyŋ tūsauy kesılude. Al, Astana qalasynyŋ äkımdıgı ötkızgen üilestıru keŋesınde tasymal qyzmetın ūiymdastyruǧa arnalǧan bırneşe jobalar bank tarapynan qarjylandyrylatyn boldy. Sonyŋ ışınde, qonaq üilerdıŋ jūmysyn jaqsartuǧa arnalǧan joba da bar.
Memleket basşysy baǧdarlamalyq maqalasynda medisina salasyn da oŋtailandyru qajettıgın aitqan-dy. Osy maqsatty közdegen jobalar qazır elordanyŋ üilestıru keŋesınde qaraluda. Onyŋ alǧaşqy legı jaqynda jūmysyn odan ärı jandandyruǧa rūqsat aldy. Baspa önımın ūlǧaituǧa arnalǧan jobalardyŋ da sany basym.
Ämırhan ALMAǦANBETOV