Nūr-Sūltan qalasynyŋ äkımı Altai Kölgınov qala tūrǧyndarynyŋ qauıpsızdıgın qamtamasyz etetın jäne qala küzetınde tūrǧan tärtıp saqşylarynyŋ qolaily jūmys ısteuıne arnalǧan bırqatar şaralardy atap öttı.
«Bırınşı. Jergılıktı polisiia qyzmetkerlerınıŋ jalaqysyn köteremız.
Aǧymdaǧy jyly jergılıktı polisiia qyzmetı qyzmetkerlerınıŋ jalaqysyn köterudı josparlap otyrmyz. Sonymen qatar, Baiqoŋyr jäne Saryarqa audandarynda jeke ǧimarattar berılıp, Esıl audanynyŋ polisiiasy üşın jäne polisiia departamentınıŋ bölımşelerı üşın ǧimarattar salyndy.
Ekınşı. Materialdyq-tehnikalyq qamtamasyz etu.
Aǧymdaǧy jyly polisiia departamentıne taǧy 54 patruldık avtokölık satyp alyp, berudı josparlap otyrmyz. Sonymen qatar, 3 jyl ışınde 140-qa juyq patruldık avtokölık, 1600-ge juyq elektrondy tehnika satyp alyndy.
Üşınşı. «Qadamdyq qoljetımdılık. Qauıpsız qala» jobasy.
Ötken jyldyŋ basynan berı qala boiynşa 10 moduldık jäne 12 uchaskelık polisiia punktı ornatyldy. Biylǧy jyly taǧy 5 uchaskelık punkt josparlanǧan. Sonymen qatar, kameralarǧa qūqyqtyq tärtıptı qamtamasyz etude maŋyzdy röl berıledı. Aǧymdaǧy jyly taǧy 1,5 myŋǧa juyq kamera ornatudy josparlap otyrmyz.
Barlyq atalǧan şaralar qala tūrǧyndaryna jedel kömek körsetuge, qūqyq būzuşylyqtardyŋ jolyn kesuge jäne deŋgeiın tömendetuge mümkındık beredı» dep jazdy elorda äkımı.
