Astana qalasynyŋ äkımdıgı būqaralyq aqparat qūraldar ökılderınıŋ käsıbi merekesıne orai osy salada jemıstı eŋbek etıp jürgen bır top jurnalisterdı qūttyqtady.
Rasynda, qoǧamnyŋ qozǧauşy küşı sanalatyn, qalam ielerıne jükteletın mındet qaşan da salmaqty. Sondyqtan da, olar qandai qūrmetke bolsyn laiyqty. Ömırdegı ädıletsızdıkke, nemqūrailyqqa, jalpy, qai jerde adamzatqa qajettı dünienıŋ orny oisyrap tūrǧan kezde, sol araǧa eŋ aldymen jetetın jurnalister ekenı anyq. Osy oraida Astana qalasy Işkı saiasat basqarmasy bastyǧynyŋ mındetın atqaruşy Älnūr Seidumanov şaraǧa qatysyp otyrǧan bır top ärıptesterımızdı qūttyqtai kelıp: « El täuelsızdıgın nyǧaituda jurnalisterdıŋ atqaryp otyrǧan qyzmetı eren. Bügıngı aqparat maidany qyzǧan şaqta sızderge tüsıp otyrǧan salmaq ta auyr. Sondyqtan sızderdı käsıbi merekelerıŋızben şyn jürekten qūttyqtaimyn» dep tılegın bıldırdı. Odan keiın Astana qalasynyŋ äkımınıŋ keŋesşısı Mihil Chirkov söz alyp, BAQ ökılderıne ızgı lebızın bıldırıp, elordanyŋ alǧaşqy baspasöz hatşysy bolǧan Sädıbek Tügel, qart jurnalist Moisei Goldberg, «Astana» telearnasaynyŋ bas direktory Läzzat Tanysbai, «Qazaqstan» teleradiokorparasiiasy» AQ basqarma töraiymy Nūrjan Mūhamedjanova, «Astana aqşamy» JŞS-nıŋ direktory Sergei Kuzovnikov, «Astana aqşamy» gazetınıŋ bas redaktory Aiaǧan Sandybai jäne taǧy basqa da jurnalisterge Astana äkımı Ädılbek Jaqsybekovtıŋ atynan alǧys hat pen arnaiy syilyq tabys ettı.
Azamat ESENJOL
