Aua raiynyŋ kürt suyp, temperaturanyŋ tömendeuıne bailanysty Astana qalasynda kriminogendı oqiǧalardyŋ aldyn alu jäne belgılı tūraǧy joq jandardyŋ jaurap, aiaq-qoldaryn üsıkke şaldyrmauy maqsatynda 1 jeltoqsannan bastap Äleumettık beiımdelu ortalyǧynda jyljymaly tamaqtanu punktı qyzmetı aşylady.
Byltyrǧy resmi mälımetterge süiensek, baspanasy joq qaŋǧybastardyŋ üsıkten mügedek qataryna qosylyp, qazaǧa ūşyraǧandary az bolmaǧan. Osyǧan orai, qalalyq mäslihat sessiiasynyŋ otyrysynda jyljymaly tamaqtanu, jylytu punktı mäselesı köterılıp oŋ şeşımın tapty. Jyljymaly tamaqtanu punktı qys mezgılınıŋ alǧaşqy künınen bastap ıske kırısedı. Punkt arnaiy kölıktermen qaladaǧy belgılı tūraǧy joq adamdardyŋ köp jinalatyn oryndaryna baryp qyzmet körsetpek.
Üi-küisız jürgen adamdar elordadaǧy äleumettık beiımdeu ortalyǧyna keluın-kelgenmen, tärtıbıne köndıkpei jiı ketıp qalady. Ortalyq basşylyǧy olardy erkınen tys ūstai almaidy. Qazırgı taŋda qalanyŋ barlyq tiıstı mekemelerı bır-bırımen tyǧyz qarym-qatynasta. Ortalyqtyŋ dispetcherlık qyzmetı kün saiyn barlyq tırek punktterıne qoŋyrau şalyp, äleumettık patrul jedel qyzmetınıŋ reidke şyǧu jūmysyn ūiymdastyrady. Reid arqyly äleumettık kömektı qajetsınetın adamdar ortalyqqa jetkızıledı. Ortalyqta barlyq jaǧdai jasalǧan. Üş mezgıl tamaq, taza tösek-oryn berıledı, alǧaşqy därıgerlık kömek körsetıledı. Körıngen jerde tünep jürgendıkten, ondai jandarda türlı aurular, infeksiialar (aşyq türdegı tuberkulez, JİTS, asa qauıptı terı aurulary) taratuy mümkın. Sondyqtan, ortalyqqa jetkızılısımen medisinalyq tekseruden ötkenşe, oqşaulau bölmesıne ornalastyrylady. Eger jūqpaly aurulardyŋ bırı tabylsa, dereu medisinalyq-sanitariialyq mekemege jıberıledı.
Aita keterlıgı, ortalyqta tüngı auysym da jūmys ısteidı. Mūnda belgılı tūraǧy joq adamdardyŋ tünep, juynyp, qyrynyp, tazalanyp alularyna mümkındık bar.
Äleumettık beiımdelu ortalyǧy 180 orynǧa eseptelgen. Qysta qyzmet aluşylardyŋ sany 250-ge barady. Al Işkı ıster basqarmasynyŋ mälımetıne qaraǧanda, qalada üisız-küisız jandardyŋ sany qūbylmaly, şamamen 1000-1300-dıŋ töŋıregınde.
Äleumettık beiımdeu ortalyǧynyŋ qyzmetın paidalanuşylardy üş tipke böluge bolady: bırınşısı, ömırdıŋ qiynşylyǧynan qajyǧandar, ekınşısı, älı de ömırden ümıt üzbegender, olarǧa eŋbek terapiiasy arqyly kömek körsetıledı. Al soŋǧysy, mülde oisyz, maqsatsyz, bärınen küder üzgender.
Äleumettık beiımdeu ortalyǧy dispetcherlık bölımınıŋ bailanys telefony: 53-18-24.
Mūrat KARİEV,
Äleumettık beiımdeu ortalyǧynyŋ direktory
