Elordada qar köp jauyp, aua raiynyŋ kürt özgeruıne bailanysty kommunaldyq qyzmetter täulık boiy küşeitılgen rejimde jūmys ısteude. Qys mezgılınıŋ basynan bastap qaladan 245 myŋ tekşe metrden astam qar şyǧaryldy, būl 15 myŋnan astam auyr jük kölemıne teŋ.
Soŋǧy künderı qala köşelerın qar men mūzdan tazartuǧa 2351 jol jūmysşysy jäne 1,2 myŋnan astam arnaiy tehnika şyqty. Elordalyq kommunaldyq qyzmetkerler poligondarǧa 30 myŋ tekşe metrden astam qar şyǧardy, būl 2189 reistı qūrady.
Qys mezgılı bastalǧaly berı Astanadan poligondarǧa 245 myŋ tekşe metrden astam qar şyǧaryldy, būl 18,9 myŋnan astam auyr jük kölemıne teŋ.
Audandarda qar şyǧaru jūmystary qyzu qolǧa alyndy. Äsırese, Astananyŋ Saryarqa audanynda qar tazalau jūmystary belsendı jürgızılude, oǧan 519 jol qyzmetkerı men 268 arnaiy tehnika jūmyldyryldy. Qaraşa aiynyŋ basynan bastap būl audannan 35140 tekşe metr qar şyǧaryldy.
Baiqoŋyr audanynan 24 reis jasalyp, 408 jol jūmysşysy men 172 arnaiy tehnikanyŋ küşımen 360 tekşe metr aq ūlpa şyǧaryldy. Qar jaua bastaǧannan berı arnaiy poligonǧa barlyǧy 2128 reis 33146 tekşe metr qar jıberıldı.
Al Almaty audanynyŋ köşelerın qardan tazartuǧa 640 jol jūmysşysy men 222 bırlık arnaiy tehnika, atap aitsaq, 30 sypyrǧyş maşina, 25 traktor şetkasy, 75 samosval, 45 frontaldy tiegış jäne 47 basqa da jinau tehnikasy şyqty.
Kündız atalmyş audan boiynşa 4 714 tekşe metr qar jinalyp, poligondarǧa şyǧaryldy, būl 465 reistı qūrady. Tüngı uaqytta Almaty audanynyŋ köşelerın qardan tazartuǧa 165 jol jūmysşysy men 367 arnaiy tehnika qatysty.
Mamandardyŋ aituynşa, borandy künderı, aua raiynyŋ qolaisyzdyǧy kezınde qoǧamdyq kölıkterdıŋ jüretın joldaryna köbırek köŋıl audarylady. Osylaişa, köşe jiekterın, aialdamalardyŋ ainalasyn qardan tazalap, qoǧamdyq kölıkterdıŋ erkın jüruıne jaǧdai jasalady. Qoǧamdyq kölıkterge, jalpy kölık qozǧalysyna kedergı keltırmeu üşın negızgı jūmys, ortalyq köşelerdı qardan tazalau jūmystary tüngı mezgılde jürgızıledı. Kündız ekınşı deŋgeidegı köşelerdıŋ qary şyǧaryluda.
Qar tazalaityn zamanaui maşinalar uaqytpen sanaspai, ūzaqty künge jūmys ıstese de, joldyŋ boiyn ǧana jinap äketedı. Qaladaǧy qardy tazalau jūmystaryna qanşama adam men tehnika jūmyldyrylyp, aqşa şyǧyndalyp jatqanyna qaramastan, aulalardaǧy qar tau bolyp üiılıp qala beredı. Qolmen qar şyǧaratyn qarapaiym jandar būl künde neken-saiaq. Sondyqtan, qar şyǧarudy äkımdıkterdıŋ jūmysy dep qaramai, tazalyqty ärkım öz aulasynan bastasa, qandai ǧanibet…
Ötken täulıkte qala köşelerın qar men mūzdan tazartuǧa 2,5 myŋǧa juyq jol jūmysşysy men bır myŋnan astam arnaiy tehnika şyqty. Qalada kommunaldyq qyzmetterdıŋ küşımen myŋnan astam arnaiy tehnika jinalyp, poligondarǧa şyǧaryldy. Sondai-aq elordadaǧy kommunaldyq qyzmetterdıŋ küşımen qar aumaǧynan 5 myŋ tekşe metrden astam qar jinalyp, poligondarǧa şyǧaryldy, būl 500-ge juyq reistı qūrady.
– Keşeden berı audanymyzda qar tolassyz jauyp jatyr. Sol sebeptı kommunaldyq şaruaşylyq qyzmetkerlerı qar şyǧaru boiynşa ekı auysymda tynymsyz eŋbek etude. Aua raiynyŋ qolaisyzdyǧyna bailanysty tūrǧyndardyŋ jürıp-tūruyna kedergı keltırmeu maqsatynda aldymen, köpırler, magistraldyq joldar men emhana, mektep, balabaqşa sekıldı audan aumaǧyndaǧy barlyq äleumettık nysandardyŋ maŋaiy qardan tazalanady. Osy jūmystarǧa barlyǧy 300-den astam tehnika men 800-ge juyq jol jūmysşysy jūmyldyryldy, – dedı Esıl audany äkımdıgınıŋ öndırıstık-tehnikalyq bölım jetekşısı Farhad Sapaūly.
