Keşe Aqordada Prezident Nūrsūltan Nazarbaev elımızge memlekettık saparmen kelgen Ūlybritaniia premer-ministrı Devid Kemeronmen kezdestı.
Memleket basşysy Astanaǧa kelgen märtebelı meimanǧa ystyq yqylasyn bıldırıp, Ūlybritaniia premer-ministrınıŋ alǧaşqy saparynyŋ män-maŋyzyna toqtaldy.
– Bızdıŋ elımız Ūlybritaniiamen tyǧyz qarym-qatynas ornatuǧa müddelı. Sızdıŋ saparyŋyz Qazaqstannyŋ mūnaily ölkesı – Atyraudan bastalǧany qūptarlyq. Qol qoiuǧa daiyndalǧan qūjattar men özara kelıssözder – ekı el arasyndaǧy ekonomikalyq jäne saiasi yntymaqtastyqqa jaŋa serpın beretınıne senemın, – dedı Prezident.
Devid Kemeron myrza öz kezegınde Qazaqstan basşysyna erekşe yqylasy üşın alǧysyn bıldırıp, özınıŋ alǧan äserı turaly aityp berdı. Qaşaǧan ken ornyn körıp, keşe Nazarbaev universitetınde studenttermen kezdesken Ūlybritaniianyŋ premer-ministrı strategiialyq serıktestık aiasyndaǧy osy kezdesuler özara yntymaqtastyqty nyǧaita tüsetının atap öttı.
Ötken jyly ekı el arasyndaǧy diplomatiialyq qarym-qatynastardyŋ ornaǧanyna 20 jyl toldy. Qazaqstan men Ūlybritaniia arasyndaǧy tauar ainalymy byltyr 2 milliard 300 million dollardy qūraǧan. Alda osy körsetkıştı arttyru josparda bar. Ūlybritaniia Qazaqstandy özara saudany jandandyru jönınde basymdyǧy bar 14 eldıŋ tızımıne qosqanyna toqtalǧan Elbasy būl ekı eldıŋ ekonomikalyq müddelerıne tolyqtai sai keletının aityp öttı.
Kezdesu kezınde yntymaqtastyqtyŋ ärtürlı salalaryndaǧy memleketaralyq özara qarym-qatynastardy odan ärı nyǧaitu perspektivasy, sondai-aq, halyqaralyq kün tärtıbındegı özektı mäseleler talqylandy.
Qymbat Nūrǧali
