Nūr-Sūltan qalasynda biıktıgı 6 metr bolatyn qūraq körpe türınde toqylǧan bıregei şyrşa ornatyldy.
Erekşe şyrşany bezendıruge otandyq qolöner şeberlerı, zeinetkerler, oquşylar, mūǧalımder, qarttar üiı, qoǧamdyq qorlar, äleumettık käsıpkerler men qolönerşıler qatysty. Būl art-nysan byltyrǧyǧa qaraǧanda ekı ese biık. Jaŋa jyldyq şyrşaǧa ūzyndyǧy 70 000 metrden 70 kelıden asa iırılgen jıp jūmsalǧan.
Halyqtyq joba elorda men elımızdıŋ özge de qala tūrǧyndaryn bır ıske jūmyldyrdy. Tıptı Resei men Özbekstan şeberlerı de atsalysqan.
«Kışkentai balalar toqu bılmeidı, al qarttarymyz bıletının qalai üiretudı bılmeidı. Sondyqtan «Bäiterek» monumentınde tegın şeberlık sabaqtaryn ötkızdık. Mūndaǧy maqsat – erıktı retınde adamdardy ortaq ıske bırıktıru. Bız Qazaqstan tūrǧyndarynyŋ aialy alaqandarynyŋ jyluyn bırıktırgımız keledı. Ekoşyrşamyzǧa körık bere otyryp, elorda tūrǧyndaryna jaŋa jyldyq köŋıl-küi syilaǧymyz keledı» dedı joba avtory, äleumettık käsıpker Rahima Mūqyşeva.
Onyŋ aituynşa, būl jobaǧa Altynai Jorabaeva, Tamara Asar syndy belgılı öner maitalmandary da qoldau körsetken. Sondai-aq «30 igı ıs» aksiiasy aiasynda volonterler, qarttar üiındegı äjeler toqyǧan jyly şūlyqtar, oiynşyqtar, qolǧaptar äleumettık jaǧynan az qamtylǧan otbasylarǧa taratyldy.
«Būl – erıktılık jūmys. Byltyr ekoşyrşa biıktıgı 3 metr bolsa, biyl 6 metr boldy. Sol siiaqty ötken jyly osy şaraǧa 50 adam atsalyssa, biyl 200 adam qatysty. Olardyŋ eŋ jasy kışısı 3-te bolsa, eŋ ülkenı – 82-degı äjemız. Aldaǧy uaqytta ekoşyrşany būdan da biık jasauǧa tyrysamyz. Auqymy keŋeie tüsedı dep oilaimyn. Osylaişa, bız ata-babadan ösiet bolyp qalǧan dästürımızdı de älemge paş etkımız keledı. Osy jobanyŋ jüzege asuyna qoldau körsetken qala äkımdıgıne alǧysymyzdy bıldıremız» dedı joba avtory.
Aita ketsek, ekoşyrşa «Astana Bäiterek» monumentı janynda «Nūr jol» (Aq Meşıt köşesı jaǧynan) jelekjolynyŋ boiynda ornalasqan.
