Keşe «Astana daryny» daryndylyqty damytu jäne psihologiialyq süiemeldeu ortalyǧynda «Qabilet» käsıbi baǧdar beru qyzmetınıŋ saltanatty aşyluy öttı. Atalmyş joba Elbasymyz Nūrsūltan Nazarbaev ūsynǧan «El Umiti» bastamasy aiasyndaǧy Tūŋǧyş Prezident Qorynyŋ ūiymdastyruymen jüzege asty.
«Qabilet» käsıbi baǧdar beru qyzmetı 7-11-synyp oquşylarynyŋ ziiatkerlık qabıletterın anyqtauǧa baǧyttalǧan. Sondai-aq jasöspırımderdıŋ sūranysqa ie mamandyq taŋdauyna kömektesıp, joǧary oqu oryndary turaly tolyqqandy mälımet beredı. Tülekterdıŋ Ūlttyq bıryŋǧai testıleuge daiyndaluyna psihologiialyq kömek körsetedı.
Ortalyqta diagnostika jürgızu boiynşa arnaiy bırneşe maman jūmys ısteidı. Klienttermen bailanystaǧy menedjer telefon arqyly ötınımderdı qabyldap, baǧdarlamalardyŋ elektrondyq bazasynda testıleuden ötuge niet bıldıruşılerdı tırkeidı. Al psiholog-keŋesşı testıleuden ötu kezınde konsultasiialyq kömek körsetedı. Käsıptık baǧdar beruşı (psiholog) Qazaqstannyŋ arnaiy orta jäne joǧary oqu oryndaryna tüsu mümkındıkterı turaly aqparat berse, üilestıruşı maman (psiholog) qanatqaqty mektepterdıŋ qyzmetıne ädıstemelık süiemeldeu jürgızıp, mektep psihologtaryna keŋes bere otyryp kerek bolsa olardyŋ jūmysyna kömek körsetedı.
Aşylu räsımnen keiın qonaqtarǧa käsıbi baǧdar beru qyzmetınıŋ barlyq mümkındıkterı tanystyryldy. Testıleu barysy qonaqtardyŋ da ülken qyzyǧuşylyǧyn tudyryp, olar da diagnostikadan öttı. Sondai-aq şara barysynda QR arnaiy-orta jäne joǧary oqu oryndarynyŋ bazasy tanystyryldy.
