Elorda äkımı Altai Kölgınov tūrǧyndardy apta saiyn qabyldap, 1000-nan asa tūrǧynnyŋ ötınışın tyŋdaǧan. Būl turaly qala basşysy instagram paraqşasynda jariialady.
«Biyl 1 myŋnan asa tūrǧynnyŋ mäselesıne qanyq boldym. Pandemiia bastalǧaly kezdesuler onlain rejimge auysty. Ai saiynǧy qabyldaulardy apta saiynǧa auystyryp, tūrǧyndardyŋ ötınışın tyŋdadym. Köbıne baspana, qosymşa bılım alu, jūmysqa ornalasu, eldı mekenderdı damytu jäne basqa da sūraqtarmen jügındı. Nätijesınde kelelı ıster atqaryldy. Mysaly, küzde tūrǧyn üi salasynda qyzmet körsetetın bıryŋǧai ortalyq aştyq (Respublika daŋǧyly, 32). Ol jerden baspanaǧa kezek nömırın, kezekke qalai tūrudy, türlı tūrǧyn üi baǧdarlamalary mehanizmderın bıluge bolady. Sonymen qatar baspana baǧdarlamalaryna, tūrǧyn üi sertifikaty mölşerıne bırqatar özgerıs engızdık.
Bızge äleumettık mäselelerdı şeşuge «Janūia» otbasy institutyn qoldau ortalyǧy kömektesedı (Beibıtşılık köşesı, 14). Tūrǧyndarǧa «bır tereze» qaǧidaty boiynşa 70-ten asa memlekettık qyzmet körsetıledı. Aşylǧan sätten, iaǧni 2019 jyldyŋ tamyzynan bastap 41,5 myŋ azamat kömek sūrap keldı.
Biyl «Jūmyspen qamtudyŋ jol kartasy» baǧdarlamasy boiynşa 15 myŋnan asa adam jūmysqa ornalasty. Sondai-aq mektep bıtıruşıler üşın memlekettık grant sanyn arttyryp, tūrǧyndarǧa jaqyn jerlerden «Üi maŋyndaǧy därıger» atty 29 nysan aştyq. Būl taǧy 180 myŋ tūrǧynǧa qol ūşyn sozuǧa mümkındık berdı.
Sonymen qatar biyl 5 oŋaltu ortalyǧy ıske qosyldy. Qalany aralau kezınde tūrǧyndarmen tıldesıp, olardyŋ mūŋ-mūqtajymen tanystym. Ötınışterı eskerusız qalmaidy» dep jazdy Altai Kölgınov.
