Bügın elordada «Rukhtylar» qoǧamdyq qory qūryldy. Azamattyq bastamalar ortalyǧynda ötken qordyŋ saltanatty aşylu räsımıne astanadaǧy özge de qor ökılderı men Astana qalalyq Işkı saiasat basqarmasynyŋ basşysy Däuren Babamūratov qatysty.
– Bügın mıne elordadaǧy qoǧamdyq qorlar qatary taǧy bır jaŋa ūiymmen tolyǧyp otyr. Būl qor soŋǧy 3-4 jylda elordada är türlı qoǧamdyq bastamalardyŋ basy-qasynda jürgen azamattardyŋ basyn bırıktıre otyryp qūrylyp otyr. Bız mūny qūptap, qoldaimyz. Qadamy qūtty bolsyn deimız! Būl tek basy ǧana, alda sızderdı ülken jauapty jūmystar kütıp tūr. Ärbır jaŋadan qūrylǧan ükımettık emes ūiymǧa bız quanamyz, qaşan da kömektesıp, keŋes beruge basqarma daiyn, – dedı D. Babamūratov.
Qordyŋ qūryltaişysy Möldır Omarhanqyzy jaŋa ūiymnyŋ baǧyty, maqsat-mındetterımen tanystyrdy. Qor azamattardyŋ erikti müliktik jarnalary negizinde qūrylǧan. Ol äleumettik, qaiyrymdylyq, mädeni, bilim beru jäne özge de qoǧamǧa paidaly maqsattardy közdeidı. Sonymen qatar sporttyq ıs-şaralardy ūiymdastyruǧa atsalysyp, tıl mäselesıne de bei-jai qaramaidy.
– «Türık tılınıŋ ışındegı gauhary – qazaq tılı» degen Mäşhür Jüsıp. Bızdıŋ qordyŋ eŋ negızgı baǧyty – älemdık qoǧamdastyqta memlekettık tıl men ädebietınıŋ äleuetın qoldau jäne nasihattau, memlekettık tıldı üirenudı yntalandyruǧa baǧyttalǧan jobalardy qoldai otyryp, qazaq tılınıŋ qoldanu aiasyn keŋeitu. Bızdıŋ qor zaŋ aiasynda memlekettık tılımızdıŋ elımızde keŋ nasihattaluyna üles qosqysy keledı. Memlekettıŋ ekonomikalyq, äleumettık, mädeni damuynda ükımettık emes ūiymdar orasan zor röl oinaidy. Qoǧamnyŋ azamattanuyna dūrys baǧytty körsetıp beretın bırden bır qūral memlekettık emes qoǧamdyq ūiymdar bolyp tabylady! Qazırgı taŋdaǧy ärbır ıs-äreketımız erteŋgı ūrpaqqa ülgı boluy şart!- deidı M. Omarhanqyzy.
Odan ärı qor basşysy Ainagül Mūzafar, «Qara şaŋyraq» RQB direktory Tūrar Şaken, halyqaralyq «Qazaq tılı» qoǧamdyq bırlestıgınıŋ Astana qalasy boiynşa filialy töraǧasynyŋ orynbasary Aidyn Qūmarbekūly söz alyp, ūiymnyŋ aldaǧy jūmystaryna tabys tıledı.
