Nūr-Sūltan qalasynyŋ äkımı Altai Kölgınov elordanyŋ sport salasy ökılderımen kezdesıp, bırqatar mäselenı talqylady.
Elorda basşysy kezdesuge qaladaǧy balalar men jasöspırımder sport mektepterınıŋ, federasiialardyŋ, sport keşenderı men mekemelerdıŋ jetekşılerıne, jattyqtyruşylar men sportşylarǧa arnaiy şaqyrylǧanyn, saladaǧy özektı mäselelerdı talqylauǧa, saralauǧa kelgenın atap aitty. Öz kezegınde qatysuşylar şeşımın kütken problemalardy ortaǧa salyp, äkımge öz ūsynystary men ötınışterın bıldırdı.
Aşyq äŋgıme barysynda bügınde qaladaǧy köptegen sport mekemelerı jattyǧular men jarystardy ötkızu üşın zaldar men sport keşenderın jalǧa alatyny aityldy. Mäselen, «Alatau» sport saraiyna jüzuge baratyn sportşylardyŋ aituynşa, būl keşende duştyŋ jūmys ıstemeitını, basseinnıŋ jöndeudı qajet etetını belgılı boldy. Mūnda mügedek sportşylar üşın jaǧdai jasalmaǧan, lift ıstemeidı. Al «Barys Arenadaǧy» jüzu basseinınıŋ baǧasy öte qymbat deidı osy salanyŋ mamandary.
«Qalanyŋ halqy millionnan asyp kettı, bıraq balalar men jasöspırımder sport mektepterı sol qalpynda, tıpten qysqardy dep te aituǧa bolady. Al sport keşenderın jalǧa alu üşın ülken qarajat kerek. Qalada sadaq atu sportynyŋ bazasy joq. Öte yŋǧaisyz, aumaǧy kelmeitın zalda jattyǧuǧa mäjbür. Negızınen, jalǧa alyp jattyǧady. Solai bolǧanymen, qala atynan jarysqa qatysuşylar Qazaqstannyŋ, Aziianyŋ chempiondary bolǧan» dedı Nūr-Sūltan qalasy triatlon federasiiasynyŋ bas hatşysy Saiat Batpenov.
Osy mäselege orai äkım parametrı keletın sport keşenın ızdestırudı tapsyrdy. Bırqatar federasiialardyŋ jetekşılerı eger jer mäselesı şeşılse, özderı sport keşenın salyp aluǧa mümkındıkterı bar ekenın aitty. Qala basşysy osy rette federasiialardyŋ özderın belsendı boluǧa şaqyryp, qūrylys jürgızuge qoldau bıldıretının jetkızdı.
– Nūr-Sūltan elımızdıŋ bas qalasy bolǧandyqtan, qai salada bolmasyn aldyŋǧy qatardan körınuı tiıs dep oilaimyn. Būl rette sport salasynyŋ alar orny airyqşa ekenı sözsız. Bız äkımdık tarapynan jan-jaqty qoldau bıldıruge daiynbyz. Bügın sızderden 16 ūsynys-ötınıştı estıdım. Barlyq jaǧdaidy jan-jaqty qaraityn bolamyz, – dedı A.Kölgınov.
Jiyn barysynda Olimpiada oiyndarynyŋ jüldegerı, boksşy Marina Volnova qala basşysyna sportşylarǧa qoldau bıldırgenı üşın bylǧary qolǧap syilady.
«Nūr-Sūltan qalasyna jaqyn arada Nadal men Djokovichtıŋ keletını, küresten älem chempionatynyŋ ötuı qala tūrǧyndary, äsırese, jastar men balalar üşın ülken oqiǧa bolmaq. Būl şaralar köptegen adamdardyŋ sportqa degen yqylasyn arttyrady dep oilaimyn. Öz sportşylarymyzǧa qoldau bıldıreiık. Al bügın köterılgen mäseleler boiynşa jüielı jūmystar jürgızılıp, şeşımder qabyldanatyn bolady» dep tüiındedı sport ökılderımen ötken kezdesudı qala basşysy. 
