«TALANT» TALANTTARDY ŪŞTAIDY
Adamzat balasy düniege kelgende Alla taǧala onyŋ boiyna erekşe bır qasiet, daryn beredı. Alaida, sol darynyn halyqqa tanyta alatyny da, aşa almai armanda ketetını de bar. Elımızde sondai talanttardyŋ der şaǧynda tanyluyna mümkındık jasaityn öner üiı aşyldy. Astanadaǧy «Talant» halyqaralyq öner ortalyǧynda än-küige talasy bar jandardyŋ jasy men mümkındıgıne eşqandai şekteu joq. Mūnda eŋbektegen baladan eŋkeigen qariiaǧa deiın kelıp, qabıletın ūştai alady. Ortalyqtyŋ aşyluyna QR Eŋbek sıŋırgen ärtısı, änşı-sazger Marat Omarov mūryndyq boldy.
Balalyq şaqtyŋ armany
Mūndai ortalyqty aşu Marat aǧamyzdyŋ kökeiınde jas kezınde-aq paida bolyp edı.
Kezınde qazaqtyŋ bırtuar azamaty Şämşı Qaldaiaqovpen Şolaqqorǧandaǧy bır jiyn-toida kezıgıp qalyp, onyŋ «Ana turaly jyr» atty änın oryndaǧany bar. Sonda ūly kompozitor bala-Marattyŋ darynyn jazbai tanyp: «Talantty balalar auyldan şyǧady. Osylarǧa arnap mektep aşsa ǧoi, şırkın!», – degen-dı. Sol sätten bastap daryndy balalarǧa mümkındık jasaityn mektep nemese ortalyq aşu Marattyŋ da esınen bır şyqqan emes.
Talai jyldar zyrǧyp öte şyqty.Bala Marat talantymen tanylyp, QR Eŋbek sıŋırgen ärtısı, änşı-sazgerge ainaldy. Almatyda Balalardy damytu qoryn aşyp, Resei, Germaniia, İtaliia, İspaniia elderıne ūlttyq önerımızdı därıptep ülgerdı. Sodan keiın, Elbasynyŋ şaqyruymen Astanaǧa kelgen öner janaşyry mūnda da äueldegı baǧytynan ainymady. Balalyq şaqtaǧy armanyn ıske asyruǧa mümkındıgı molaidy.
Alǧaşynda mektep jertölesınde kışıgırım studiia aşyp, bıraz jūmys jasady. Keiınnen qala äkımdıgınıŋ kömegımen jaŋa ǧimaratqa köştı. Talanttardyŋ aşyluyna mümkındık jasaityn halyqaralyq ortalyqqa «Talant» degen atty laiyq kördı.
Ortalyq 2012 jyldyŋ 22 nauryzynda saltanatty türde aşyldy. Jiynǧa Gollivud jūldyzdary Mark Dakaskos pen Keri-Hiroiuki Tagava qatysty. Älemdık deŋgeidegı jūldyzdar şyqsyn degen yrymmen ortalyqtyŋ aşylu lentasyn Mark Dakaskosqa kestırdı.
Yntymaqtastyq artyp keledı
«Talant» halyqaralyq öner ortalyǧy bolǧandyqtan şeteldık öner ortalyqtarymen tyǧyz qarym-qatynasta boluy zaŋdy. Qazırgı taŋda ol Malaiziia, Ündistan sekıldı bırqatar eldermen bailanysta. Bükılälemdık «FIDOF» kompozitorlar qauymdastyǧymen de ärıptestık ornatyp ülgerdı. Osy kelısımnıŋ negızınde Qazaqstan – AQŞ bırlesken filmderı tüsırılmek. Üzdık jobalar şet memleketterdegı festivalder men baiqaularǧa qatystyrylady. Sonymen qatar, ärbır toqsan saiyn jas daryn ielerı AQŞ-qa şyǧarmaşylyq saparlar jasaidy. Bolaşaqta telearnalarmen bırlesıp otbasylyq baiqaular ötkızu de josparlanyp otyr. Juyrda ǧana Astanada halyqaralyq öner ortalyǧy aşylǧanyn Angliiadaǧy qandastarymyz internet arqyly bılıp, «Talant» basşylyǧyna habarlasypty. Olar Liverpuldaǧy Pol Makkartnidıŋ ortalyǧymen bailanys ornatu jönınde ūsynys aitty. Sondai-aq, reseilıkter «Minuta slavy» baǧdarlamasyna osy jerde ırıkteu jasauǧa ūsynys bıldırgen.
Qyrküiek aiynda «Talanttyŋ» on bes şaqty şäkırtı AQŞ-qa attanǧaly otyr. Qūrylǧanyna älı bır jyl tolmaǧan «Talant» pen älemge äigılı Niu Iork film akademiiasynyŋ arasyndaǧy bailanystyŋ arqasynda şetelde oqudy armandaityn qazaqstandyq önerlı jastardyŋ mümkındıgı molaia tüstı. Esterıŋızge sala keteiık, üstımızdegı jyldyŋ mamyr aiynda Gollivudtaǧy «Baqytty balalyq şaq» atty festivalde alty jasar Bibımariiam Omarova qazaq, ispan, aǧylşyn tılderınde än aityp, akterlık şeberlıgımen qalyŋ körermendı baurap alǧan edı. Osy baiqau barysynda Niu Iork film akademiiasynyŋ direktory Den Makler Bibımariiamnyŋ önerıne süisınıp, Uolt Disneige şaqyrtu jasaǧan. Aǧylşyn tılın endı ǧana meŋgerıp jürgendıkten şaqyrtudy keiınge qaldyryp, ekı jaq bır jyldyq kelısım şartqa qol qoiǧan bolatyn.
Ortalyqtyŋ ışkı jaǧdaiy
Mūnda 25 baǧyt boiynşa 526 bala tälım aluda. «Talanttyŋ» alǧaşqy qarlyǧaşy Aqtöbe qalasynyŋ tumasy, Mäskeudegı «Minuta slavy» baǧdarlamasynyŋ 12 jasar jeŋımpazy – Erkeş Hasen. Būdan basqa «BÖBEK» qory, «Prezident şyrşasy», «Änşı balapan», «Ainalaiyn» balalar konkursy, sondai-aq, AQŞ-taǧy «Walt Disney’s World» parkındegı balalar baǧdarlamasy sahnasynda da talai «Talant» önerpazy öner körsetıp jür. Tabiǧi talantty dūrys damytu barysynda özın-özı «jūldyz» auruyna ūşyratpai tärbielei bılu ülken eŋbektı qajet etetının jetkızdı ūlttyq öner janaşyry.
Arnaiy bölmelerı, dämhanasy, 300 oryndyq konsert zaly bar ortalyqtyŋ halyqaralyq deŋgeide jūmys ısteuge mümkındıgı mol. Äzırge mūnda şeşımın tappaǧan bır ǧana mäsele bar. Ol – ortalyq janynan internat aşu. Öitkenı, alys auyldan keletın daryndy balalarǧa tälım-tärbie berumen qatar, tūrǧyn-jaimen qamtamasyz ete alsa, nūr üstıne nūr bolary haq. Sonymen qatar, şeberlık klastaryn ötkızuge keletın şeteldık mamandarǧa da ornalasatyn oryn qajet-aq.
Juyrda ǧana Bırıkken ūlttar ūiymynan «Eren eŋbegı üşın» medalımen marapattalǧan Marat Omarov aǧamyzdyŋ eŋbegı jemıstı bolyp, ūlttyq önerımızdı bükıl älemge tanytatyn şäkırtterı köbeie bersın degen tılegımızdı bıldıremız.
Nasihat SPANDİIаRQYZY