Astanadaǧy Q.Quanyşbaev atyndaǧy Qazaq memlekettik akademiialyq muzykalyq drama teatrynda Halyqaralyq teatr küni merekesinde qalalyq Mädeniet basqarmasynyŋ bastyǧy Bolat Majaǧūlov «akademiialyq» degen märtebeli ataqty körermenniŋ aldynda osy öner ūjymyna resmi türde tapsyrdy.
Saltanatty jiyn aldynda körermen közaiymyna ainalǧan sahna saŋlaqtary ortaǧa şaqyrylyp, qūrmet körsetildi. Ardager ärtister Şämil Jünis aqsaqal men Rymkeş Omarhanova apalarymyz bastaǧan kil jüirikterden tūratyn teatr ūjymy biri qalmai tegis jinalypty. Mädeniet basqarmasy atynan birneşe ärtiske «Alǧys hat» tapsyryldy. Teatr äkimşiligi de öz tarapynan marapattaryn tapsyryp, demeuşilerden jetken tartudy ardager ärtisterge ūsyndy.
Sondai-aq, aqparattyq demeuşilik jasap jürgen birqatar BAQ basşylaryna teatr tarapynan «Alǧys hattar» men eskertkiş-syilyqtar berildi. Olardyŋ arasynda «Astana» radiosy, «Habar» agenttigi, «Astana» telearnasy, «Qazaqstan-1» TRK-sy, «Astana aqşamy» jäne «Vecherniaia Astana» jäne «Egemen Qazaqstan» gazetteri bar.
Körermen qauym ūnatqan ärtisi men rejisserine dauys beru arqyly teatrdaǧy üzdikterdi anyqtaǧan bolatyn. Keş soŋynda eki ai boiy jürgizilgen «Öz akteriŋdi tany» aksiiasynyŋ qorytyndysy şyǧaryldy. Bäige jeŋimpazdary ataldy. Rejisserlar arasynda körermenderge qatty ūnaǧandardyŋ qatarynda 163 dauys jinap, I oryndy jeŋip alǧan «Üilenu» spektakliniŋ rejissery Nūrlan Jūmaniiazov boldy. II oryn «Qaragöz» spektakli üşin marqūm Äzirbaijan Mämbetovke būiyrdy. III oryndy «Izgilik formulasyn» qoiǧan Älimbek Orazbekov iemdendi. Barlyǧyna birdei baǧaly teledidar berildi. Ärtister arasynda I oryndy özara üş birdei saŋlaq bölisti. 135 dauystan jinap, ortasynan oq boiy ozyp şyqqan Quandyq Qystyqbaev pen Syrym Qaşqabaev «Saryaǧaş» sanatoriiine joldama aldy. 116 dauys jinaǧan Ainūr Jetpisbaeva «Köktem» sanatoriiine barady. 85 dauysqa ie bolyp, II oryndy Läilä Beknazar-Haninga jeŋip aldy. III orynǧa 59 dauyspen daryndy jas ärtis Taŋsūlu Mūzaparova ie boldy. Osylai körermender taŋdauly ärtisterin anyqtady.
Saltanatty keşte filarmoniia änşileri ännen şaşu şaşsa, Öner akademiiasy men Euraziialyq ūlttyq universitetiniŋ studentteri än-bimen ärlendirip otyrdy.
Şynar ÄBILDA
