Sanitarlyq-epidemiologiialyq jaǧdaiǧa bailanysty «Astana Opera» teatry jūmystyŋ jaŋa formatyna auysty. Nūr-Sūltan qalasy bas sanitarlyq därıgerınıŋ qaulysyna säikes öner oşaǧynyŋ äkımşılık qūramynyŋ 80 paiyzy qaşyqtyqtan jūmys formatyna köşırıldı. Al şyǧarmaşylyq ūjymdardyŋ daiyndyqtary belgılengen barlyq talaptardy saqtai otyryp, şaǧyn toptarda arnaiy keste boiynşa jürgızılude.
Teatr direktory, Qazaqstannyŋ eŋbek sıŋırgen qairatkerı Ǧalym Ahmediiarovtyŋ aituynşa, mädeni oşaqtyŋ mūndai formattaǧy jūmysynyŋ täjıribesı bar. Teatr qyzmetı toqtamaidy, tek jaŋa, qauıpsız jaǧdailarǧa beiımdeledı.
Qaşyqtyq rejimınde ötetın jeke derbes jattyǧularmen qatar är şyǧarmaşylyq ūjymnyŋ özınıŋ kestesı bekıtıldı. Sonyŋ arqasynda adamdardyŋ toptasuy azaidy. Mäselen, hor 70 adamnan qūrylǧandyqtan, ol 35 adamnan ekı topqa bölınıp, orkestr jäne balet ärtısterı sekıldı ärtürlı uaqytta, ärtürlı daiyndyq zaldarynda künıne 3 saǧattan jattyǧady. Opera solisterı derbes keste boiynşa jeke daiyndalady.
Qazırgı taŋda teatrdyŋ barlyq ärtısterı aqpan aiynyŋ josparyna engızılgen repertuarǧa daiyndyq üstınde, aldaǧy premeralyq qoiylymdarynyŋ partiialaryn üirenıp jatyr.
Biylǧy mausymda İrji Kiliannyŋ «Alty bi» baletı jəne Jolan Dəstenovtıŋ «Qaŋbaq şal» balalar operasy daiyndaluda. Būǧan qosa, horeograf Raimondo Rebektıŋ qoiylymynda Sergei Prokofevtıŋ «Külşe qyz» baletı men Djoakino Rossinidıŋ «Aljirdegı italiialyq qyz» atty operasy da josparlanyp otyr. Al basty premera – Evgenii Brusilovskiidıŋ «Er Tarǧyn» ūlttyq operasy. Atalmyş premeralar körermenderge nauryz-səuır ailarynda ūsynylmaq.
Bır aita keterlıgı, «Er Tarǧyn» operasynyŋ qazaq sahnasynda alǧaş qoiylǧanyna 15 qaŋtar künı 85 jyl tolady. 1937 jyly Qazaq muzyka teatrynda (qazırgı Abai atyndaǧy Qazaq ūlttyq opera jäne balet teatry) sahnalanǧan tuyndynyŋ librettosyn Saǧyr Kamalov jazǧan. Operada 60-tan astam halyq än-küilerı paidalanylǧan. Operany alǧaş rejisser Qūrmanbek Jandarbekov qoiǧan. Basty rölderdı KSRO halyq ärtısı Küläş Baiseiıtova (Aqjünıs), QazKSR halyq ärtısı Qanabek Baiseiıtov (Tarǧyn) oinaǧan.
