Jaqynda «Qazaqstan» teleradiokorporasiiasy jüz jyldyq tarihy bar «Altyn qordy» halyq igılıgıne ūsynu boiynşa keşendı jūmystardy bastady. Sonyŋ aiasynda altynqor.com
caity ıske qosyldy.
Platforma qazaq televiziiasy qoryndaǧy 1930 jyldardan bergı video men Qazaq radiosy qoryndaǧy 1921 jyldan bergı qūndy audiomaterialdardy körıp, tyŋdauǧa mümkındık beredı. Sait «Beineqor», «Audioqor», «Tūlǧalar» jäne «Fotoarhiv» bölımderınen tūrady. Sait qoryna jyl saiyn 1000 material salynbaq. Iаǧni, saitty toltyru ısı tūraqty türde jalǧasady.
«Beineqor» bölımınde S.Äşımbaev, Ş.Mūrtaza, S. Orazalin jürgızgen «Paryz ben qaryz», «Ūlt jäne sana», «Sūhbat» baǧdarlamalarymen qatar, är jyldardaǧy «Tamaşa», «Halyq qazynasy», «Asyl mūra», «Adam ızdep jürmın», «Kelesı aialdama», «Keş jaryq», «Kültöbe», «Şynnyŋ jüzı» syndy 800-den astam bölımnen tūratyn 50 telehabar sikly, «Sovettık Qazaqstan» kinojurnaly men «Qazaqtelefilm» öndırıstık bırlestıgınıŋ jobalary bar.
«Tūlǧalar» bölımınde K.Äzırbaev, M.Äuezov, S.Mūqanov, Ǧ.Müsırepov, Ǧ.Mūstafin, Ä.Täjıbaev, Ş.Jienqūlova, K. Baiseiıtova, Ş.Aimanov, Ş.Aitmatov, Q.Myrza Älı syndy tūlǧalardyŋ qatysuymen är jyldary tüsırılgen beinetoptamalar men audiohabarlar jinaqtalǧan.
«Audioqor» bölımıne 1954 jyldan bergı saqtalǧan M.Äuezov, S.Mūqanov, I.Esenberlin, B.Soqpaqbaev, Ǧ.Müsırepov syndy 100 ūlt qairatkerınıŋ är jyldary jazylyp alynǧan dauystary, Q.Baijanov, K.Äzırbaev, Q.Babaqov, Ä.Qaşaubaev, J.Elebekov, J.Kärmenov, M.Eşekeev siiaqty qazaq än önerı maitalmandarynyŋ dauysymen jazylǧan 132 än, är jyldary Qazaqstanda jürgızılgen ekspedisiialarda jazylǧan şeşendık öner jaiyndaǧy sūhbattar, Batyrlar jyrynyŋ 50 nūsqasy, 100 küi, 100 ertegı nūsqasy, «Syŋsu», «Besık jyry, «Jar-jar», «Betaşar», «Jarapazan», «Joqtau» syndy tūrmystyq-ǧūryptyq änder engızıldı.
