Uchaskelık inspektoryŋyzdy tanisyz ba?
Astana qalasy Polisiia departamentınıŋ Jergılıktı polisiia basqarmasy qyzmetkerlerı üstımızdegı jyldyŋ 5 qyrküiegı men 5 jeltoqsany aralyǧynda «Uchaske» jedel aldyn alu ıs-şarasy jürgızılıp jatqany belgılı.
Osyǧan orai, jaqynda Astana qalasy Esıl audany Işkı ıster basqarmasynyŋ uchaskelık inspektorlary – polisiia maiory Azamat Ospan, polisiia leitenanttary Ruslan Iliiasov pen Erjan Qalmūratov qaladaǧy keibır būqaralyq aqparat qūraldary ökılderınıŋ qatysuymen öz audanynda arnaiy reid ötkızdı.
Būl reidtıŋ negızgı maqsaty qūqyq būzuşylyq pen qylmystyŋ aldyn alu, qoǧamdyq tärtıp pen qoǧamdyq qauıpsızdıktı qamtamasyz etu, qoǧamdyq tärtıp būzǧan tūlǧalardy esepke qoiu jäne olardy der kezınde anyqtau, sonymen qatar äkımşılık uchaskeler men basqa jerlerde qyzmet körsetetın köşı-qon üderısınıŋ jaǧdaiyn baqylau boldy.
Reid kezınde är uchaskelık polisiia qyzmetkerı özıne bekıtılgen aumaqta tūrǧyndarmen kezdesıp, olardyŋ aryz-şaǧymdaryn tyŋdady. Sondai-aq, päter ūrlyǧy, baǧaly zattardy avtokölıktıŋ ışınde qaldyryp ketpeu ärı osyǧan bailanysty qandai qauıpsızdık şaralaryn qoldanu kerektıgı turaly jadynamalar taratyp, üilerdıŋ kıreberısındegı habarlandyru taqtalaryna ıldı.
Qorǧaljyn tasjoly daŋǧyly boiyndaǧy №23 üige kelgenımızde, №126 päterdıŋ qoŋyrauyn basqan polisiia leitenanty Erjan Qalmūratovqa esıktı egde äiel aşty. Män-jaidy tüsıngennen keiın «Eskertulerıŋız dūrys. Bız özımızdıŋ uchaskelık inspektorymyzdy jaqsy tanimyz. Bızge jiı kelıp, osyndai jadynamalar ılıp, özın tūrǧyndarmen tanystyryp tūrady» dedı.
Kelesı №133 päterdıŋ iesı – äiel adam ekı-üş polisiia qyzmetkerı men qolyna beinekamera ūstaǧan operatordy körgende bıraz abdyrap qaldy. «Qandai mäselemen keldıŋızder? Bızdıŋ üide tek öz otbasymyz ǧana tūramyz. Zaŋsyz tırkelmei tūryp jatqan artyq adam joq» dep özınıŋ osy üidıŋ iesı ekenın aita bastap edı, polisiia maiory Azamat Ospan toptyŋ kelu maqsatymen jan-jaqty tüsındırgennen keiın aty-jönın aityp, aşyla söilep kettı. Onyŋ aituynşa, körşılerınıŋ barlyǧy da artyq-auys sözı joq qarapaiym adamdar körınedı. Qai-qaisy da tärtıpke baǧynady. Osy üide tūrǧanyna on jylǧa jaqyndapty, bırde-bıreuınıŋ qoqys tastaǧanyn, ne bolmasa tünde dauryǧyp söilegenın estımeptı.
Şynynda da, köp qabatty üilerde tūrǧyndar köbıne körşılerınıŋ mazasyzdyǧyna, tazalyq saqtamaityndyǧyna şaǧymdanyp jatady. Al reid jürgızılgen on ekı qabatty №23 üidıŋ tūrǧynynyŋ eşbıreuı de ondai mäselenı söz etken joq. Tek auladaǧy beinekameralardyŋ sapasyn jaqsartyp, tūrǧyndardyŋ qyraǧy boluyn qalaityndyqtaryn jetkızdı.
«Keide aulada, üige kıreberıs baspaldaq alaŋdarynda jürıs-tūrysy küdık tudyratyn bögde adamdar jüredı. Sondai kezde polisiiaǧa telefon soqqanda olar tez jauap berıp, şūǧyl kelse oŋdy bolar edı» dedı Saltanat esımdı tūrǧyn.
Būdan keiın reid jūmysy Aqmeşıt köşesındegı №9, №11 üilerde jalǧasty. Mūnda da tūrǧyndar özderınıŋ uchaskelık inspektoryna esık aşyp, senım bıldıretındıkterın anyq baiqatyp jatty.
– Bızdıŋ negızgı maqsatymyz da tūrǧyndarmen aradaǧy senımdı nyǧaitu, – deidı Esıl audany №13 polisiia bölımşesınıŋ uchaskelık inspektory Ruslan Iliiasov. – Öz aumaǧymyzda jedel jaǧdaidy tūraqtandyru, qyzmet körsetetın äkımşılık uchaskelerde qūqyq būzuşylyqtyŋ aldyn alu jūmysyn jandandyru, halyq arasynda uchaskelık polisiia inspektorlarynyŋ jäne jalpy ışkı ıster organdarynyŋ imidjı men bedelın arttyru, azamattarmen tyǧyz qarym-qatynas ornatu – bügıngı künı bızge qoiylyp otyrǧan basty talaptar.
Tek reid kezınde qana emes, köp qabatty üilerdıŋ ärbır päterın, aulalardy, jeke üilerdı kündelıktı aralap, onda tūryp jatqan adamdar jaily aqparat bılıp otyramyz. Būǧan qosa, päterler men üilerdı, äkımşılık uchaskelerdı tekserıp, tūrǧyndar turaly mälımetterdı äkımşılık uchaskenıŋ tırkeu jurnalyna engızemız.
Sonyŋ nätijesınde uchaskelık inspektorlarǧa degen halyqtyŋ senımı artyp keledı. Üidıŋ kıreberısıne qoqys tastaǧan nemese arnaiy belgılenbegen jerge temekı tartqan adamdar bolsa nemese basqa da keleŋsız jailar men sezıktı oqiǧalardy baiqasa, tömende habarlandyru taqtasynda ılınıp tūrǧan inspektordyŋ telefonyna bırden qoŋyrau şalynady. Köbıne aryz-şaǧymdar tūrǧyndardan osy baǧytta tüsıp jatady. Al bız olardyŋ şaǧymdaryna bırden nazar audaryp, tiıstı şaralar qabyldaimyz, – deidı Ruslan Säkenūly.
«Uchaske» jedel aldyn alu ıs-şarasy bastalǧaly uchaskelık inspektorlar 140 myŋnan asa päter men 14000-nan asa jeke üidı aralap şyqqan. Osy kezeŋde tūrǧylyqty jerı boiynşa 6000-nan asa azamat tekserılıp, üiınde qaru ūstaityn 13000-ǧa juyq azamattyŋ qūjaty men osy qarudy ūstau zaŋdylyǧy tekserılgen. Sondai-aq, 1000-nan asa jalǧa berıletın päter anyqtalyp, ol turaly mälımetter Astana qalasynyŋ Memlekettık kırıs departamentıne jıberılgen.
Jalpy, ıs-şara bastalǧaly 17 myŋǧa tarta adam äkımşılık jauapkerşılıkke tartyldy. Atap aitqanda, olardyŋ 2000-daiy ūsaq būzaqylyǧy, 4000-nan astamy elımızde tırkelmegenı nemese jeke basyn kuälandyratyn qūjaty bolmaǧany üşın jazalanǧan. Al köşı-qon zaŋyn būzǧan 2000 şeteldık anyqtalǧan.
Astana qalasynda jetpısten asa uchaskelık polisiia bölımşesı bar eken. Ondaǧy uchaskelık inspektorlardyŋ basty mındetı – tūrǧyndardyŋ qūqyǧy men erkındıgın, zaŋdy müddelerın qorǧau. Sondyqtan är tūrǧyn öz uchaskelık polisiia inspektorynyŋ aty-jönın, jūmys telefonyn bılgenı jön. Al sız öz uchaskelık inspektoryŋyzdy tanisyz ba?