Aldaǧy künderı elordada bır jaqty qozǧalysqa arnalǧan jaŋa jol uchaskelerı paida bolady. Özgerıster qalanyŋ oŋ jaq jaǧalauyndaǧy ekı köşenıŋ boiynda engızıletın bolady, dep habarlaidy Astana qalasy äkımdıgınıŋ resmi saity.
Osylaişa, bır jaqty qozǧalys Būqarbai batyr köşesınıŋ Jeŋıs daŋǧylynan Äzerbaijan Mämbetov köşesıne deiıngı aralyǧynda jäne Jeltoqsan köşesınıŋ Kenesary köşesınen Būqarbai batyr köşesıne deiıngı aralyǧynda engızılmek. Özgerıster 2018 jyldyŋ 15 qaraşasynda, iaǧni beisenbı künı küşıne enedı. Atalmyş özgerıster – qaladaǧy jol qozǧalysyn oŋtailandyru jūmystarynyŋ bır bölıgı. Özgerıs jol jelısıne tüsetın jüktemenı azaitu maqsatynda engızılıp otyr. Belgılengen uchaskelerge bır jaqty qozǧalysty engızu avtokölık aǧyndarynyŋ üzdıksız qozǧalysyn qamtamasyz ete otyryp, qarsy aǧynmen şielenısu nüktelerın azaitudyŋ arqasynda jol-kölık oqiǧalarynyŋ sanyn azaitady dep kütılude. Atalǧan uchaskelerde qarama-qarsy baǧytta kele jatqan kölıkterdıŋ qatysuymen bolatyn jol-kölık oqiǧalary jiı oryn alǧanyn aita ketu qajet. Būdan bölek, atalǧan şaralar būl köşelerdıŋ kölık aǧyndaryn ötkızu qabıletın arttyrady. Jürgızılgen taldau jūmystyryna säikes, osydan bırşama uaqyt būryn bır jaqty qozǧalys engızılgen köşe uchaskelerındegı ötkızu qabıletı orta eseppen 30% -ǧa artqan. Sonymen qatar, bır jaqty qozǧalysqa arnalǧan jaŋa uchaskelerdı engızu bır jaqty qozǧalys jelısın qalyptastyra otyryp, būǧan deiın engızılgen bır jaqty qozǧalys uchaskelerınıŋ tiımdılıgın arttyrady. Sonidai-aq, ol №1 mektep-liseige jaqyn joldarda kölık qozǧalysy jüktemesın tömendetuge septıgın tigızbek. Esterıŋızge sala keteiık, 2018 jyldyŋ 27 qazanynda tūrǧyndardyŋ qatysuymen bır jaqty qozǧalysty engızuge qatysty mäsele qaralǧan qoǧamdyq tyŋdaular ötken bolatyn. Bas qosuda Astana qalasynyŋ Kölık jäne jol-kölık infraqūrylymyn damytu basqarmasynyŋ, Saryarqa audany äkımşılıgınıŋ, Astana qalasy IID Äkımşılık polisiia basqarmasynyŋ jäne «Astana LRT» JŞS ökılderı tūrǧyndardyŋ sūraqtaryna jauap berdı. Sondai-aq, audan tūrǧyndarynyŋ pıkırlerı tyŋdalyp, barlyq ūsynystary eskerıldı.
