Elordada 30-dan astam aula kluby jūmys ısteidı. Barlyq üiırme tegın ötedı.
2015 jyldan bastap Nūr-Sūltan qalasynda «Aula klubtary» äleumettık jobasy aiasynda qalanyŋ 4 audanynda 30-dan astam aula klubtary jūmys ısteidı. Jas sanaty 7 jastan 29 jasqa deiın. Aula klubtarynyŋ qyzmetı halyqtyŋ äleumettık osal toptarynyŋ balalarynyŋ bos uaqytyn qamtamasyz etuge baǧyttalǧan. Bügıngı taŋda aula klubtarynda 3 myŋǧa juyq bala tärbielenude. Sporttyq jäne şyǧarmaşylyq sabaqtar bar» dedı «Astana Jastary» JRO aula klubtaryn damytu bölımınıŋ mamany Adelia Bekarystanova.
Aula klubtary elordalyq jastardyŋ bos uaqytyn tiımdı ötkızu jäne jeke basyn damytu ortalyǧyna ainaldy. Seksiialarda karate, boks, erkın küres, qoian-qoltyq küres, dziudo, üstel tennisı, şahmat, doiby, horeografiia jäne taǧy basqalarmen ainalysuǧa bolady.
«Men «Pro Fit» jobasynyŋ ūiymdastyruşysymyn. Būl – ūlt densaulyǧynyŋ igılıgı üşın jäne köpbalaly, sonymen qatar az qamtylǧan otbasylardy qoldau üşın jūmys ısteitın äleumettık joba. Bızdıŋ klub Saryarqa audanynda ornalasqan. Ol tolyq jabdyqtalǧan 5 zaldan tūrady. Oǧan kem degende 300 bala barady» dedı «Pro Fit» aula klubynyŋ jetekşısı Almira Borambaeva.
