Astanada ūlttyq naqyştaǧy ekskliuzivtı kezdeme būiymdaryn jasaumen ainalysatyn şeberhana bar. Üi toqymasy, oiulanǧan, kestelengen jabdyqtar, jastyq, dorba, sebet, balalarǧa arnalǧan būiymdar, jörgek, kündelıktıŋ tysy, tıntuır tösemesı, panno jasalatyn būl şeberhana «Omir art studio» dep atalady.
«Bızdegı barlyq dünieler tūtynuşylardyŋ tapsyrysymen paida boldy. Mäselen, qūrbym qyzynyŋ tūsaukeserıne arnalǧan «Aq jol» oiuly tösegışın jasap berudı ötındı. «İnstagram» äleumettık jelısıne salǧannan keiın basqa da adamdardan sūranys tüstı. Būiymdardyŋ eşbır türın arnaiy oilap tapqan joqpyn. Barlyǧy tūtynuşylarymyzdyŋ tapsyrys-tılekterınen tuyndady. Sonymen bırge jaŋa tuǧan säbidı perzenthanadan alyp şyǧuǧa arnalǧan jörgekterge sūranys köp. Tıptı, närestenıŋ esımın kestelep tıgıp, oiularmen örnekteudı sūraityndar da bar. Bır kısı tıptı säbidıŋ ruy, tuǧan künı, uaqyty, boiy, salmaǧyna deiın kestelep berudı ötındı. Ūzatylatyn qyzdardyŋ jasauyna arnalǧan jastyq, körpeşelerge jas jūbailardyŋ esımderın jazdyq. Būl dästürımızdıŋ jandanyp, därıpteluı dep bılemın. Sonymen qatar, kündelıktıŋ tysy, panno siiaqty būiymdarǧa da iesınıŋ esımın kestelep, tapsyryspen arnaiy syilyq retınde tıgıp jürmız. Tapsyrysty qaitalamauǧa, ärdaiym jaŋa türlerın oilap tabuǧa tyrysamyn. Qazır jūrttyŋ talǧamy joǧary. Maqsatym – tabys tabu emes, jastar arasynda ūlttyq būiymdarymyzdy nasihattau» deidı şeberhana basşysy Evgeniia Jandarbaeva.
Būl käsıptı ol alǧaş ret 2012 jyldyŋ küzınde qūrbysymen bırge bastaǧan bolatyn. Bügınde şaǧyn şeberhanada onyŋ ekı kömekşısı bar. Mūnda arnaiy jarnama jasalmaidy, qolöner būiymdary turaly auyzdan-auyzǧa tarap, klientterdıŋ özderı habarlasady. Köbıne ǧalamtor arqyly kölemı, tüsıne bailanysty tapsyrys beredı. Söitıp dizainyn oilastyryp, jetıldırıp telefon arqyly kelısedı. Qoldan jasalǧan būiymdardyŋ bırşama uaqyt alatyny belgılı. Degenmen, eŋbegınıŋ rahaty da joq emes. Tapsyrys beruşılerı de ärtürlı. Älı esınde, Parijde tūratyn qandas bır aǧai Astanaǧa kelgende panno qabyrǧa keskındemelık tuyndysyna jetı atasyn kesteletıp jazdyruǧa tapsyrys berıptı. Arasyna oiulardan basqa jylqyny köbırek suretteudı tılek etıptı. Būl şyqqan tegın bılu, ata-babasyna qūrmet körsetu dep tüsınedı eken özı.
– Keiıngı kezde «Şejıre» jetı atanyŋ esımı jazylǧan pannolarǧa tapsyrys artty. Būl keiıngılerge jaqsy ülgı emes pe?! Köz aldyŋda könenıŋ közı, ötkennıŋ belgısındei mūralar tūrsa, balalarymyz da jauapkerşılıktı sezıne bıler edı ǧoi dep oilaimyn. Sondyqtan är äşekeige osyndai şejıre şertıp, tarihqa tartatyn örnek saludy jaqsy ädetke ainaldyrǧym keledı, – deidı Evgeniia.
Şyraq BAIKENOVA,
L.Gumilev atyndaǧy EŪU
jurnalistika jäne saiasattanu fakultetınıŋ studentı
