Astana qalasynyŋ poliseilerı «Qauıpsız jol» jedel aldyn alu şarasynyŋ aiasynda küşeitılgen qyzmet rejimınde jūmys ısteude.
Elorda joldarynda apatty azaitu maqsatynda qolǧa alynǧan jedel aldyn alu şarasy 22 mausymǧa deiın jürgızıledı. Astana qalasy IID ÄPB bastyǧy Baqytjan Malybaevtyŋ aituynşa, «Qauıpsız jol» şarasyn ūiymdastyru kezınde jol-patruldık polisiiasynyŋ jeke qūramynyŋ qyzmetı küşeitılıp, qala köşelerınde jol qauıpsızdıgın baqylaityn saqşylar köbeidı.
Basqarma bastyǧynyŋ mälımetı boiynşa, üstımızdegı jyl basynan berı jol qozǧalysyn qadaǧalau kezeŋınde jol jüru erejesın būzǧan 105,5 myŋ oqiǧa tırkelgen. Onyŋ ışınde jürgızuşıler tarapynan bolǧany – 94,5 myŋ. Al kölıktı mas küiınde aidaǧan 1 myŋ adam ūstalǧan. Äkımşılık jauapkerşılıkke jaiau jürgınşıler de tartylyp, belgılenbegen jerden ötkenı üşın 11 myŋnan astam tūrǧynǧa aiyppūl salynǧan.
Aibübı NŪRBEK
