Nauryz merekesı künı elordalyq polisiia qyzmetkerlerı şaǧyn qazaq auylynda ūlttyq taǧamdar äzırlep, salt-dästürdı därıptedı.
«Kiız üidıŋ ışındegı būiymdar – qoldan jasalǧan tuyndylar. Osy mūralardyŋ barlyǧyn bızdıŋ äjelerımız jinap, ūrpaqtan ūrpaqqa jetkızıp, sabaqtastyryp otyrǧan. Ata-babamyzdan kele jatqan salt-dästürdı ūmytpau – bızdıŋ paryzymyz» deidı Memlekettık tıl jäne aqparat bölımınıŋ mamany Güljan Mūhamedina.
Nauryz toiyn atap ötuge kelgen qyzmetkerler qazaqtyŋ erteden kele jatqan saltynyŋ bırı – tūsaukeser räsımın tamaşalady. Astana qalasy IID Kadr jūmysy basqarmasy bastyǧynyŋ orynbasary Rustam Kalin tamaşa merekenıŋ bügınde barlyq qalalarda keŋınen atalyp ötıp jatqanyn aitty. «Būl merekenıŋ keremettılıgı sonda, elımızdegı dostyq pen beibıtşılıktı nyǧaita tüsedı. Ūlys oŋ, aq mol bolsyn!» dep batasyn berdı ol.
Mereke soŋy elordalyq polisiia qyzmetkerlerınıŋ konserttık baǧdarlamasyna ūlasty.
