L.Gumilev atyndaǧy Euraziia ūlttyq universitetınde «Ardagerler ūiymy» respublikalyq qoǧamdyq bırlestıgınıŋ ūiymdastyruymen «Ūly Jeŋıs baǧasy» atty ǧylymi-täjıribelık konferensiia öttı.
Jiyn basynda söz alǧan «Memorialdy aimaq» ızdestıru jasaǧynyŋ komandirı, universitettıŋ arhitektura ka-
fedrasynyŋ professory Maidan Qūsaiynov «Qazaqstandyq maidangerlerdıŋ faşizmdı joiudaǧy ülesı» atty ǧylymi baiandamasynda Qazaqstanda jasaqtalǧan diviziialardyŋ ūrys dalasyndaǧy qimyly turaly tyŋ derekterdı ortaǧa saldy. Sonymen qatar, «Memorialdy aimaq» jasaǧynyŋ habarsyz ketken qūrbandardy ızdeu jūmystarymen, bauyrlastar qabırın qaita qalpyna keltıru, soǧystan qalǧan mina, snariadtardy zalalsyzdandyru jaiymen tanystyrdy.
Qazaqstan tarihşylary kongresınıŋ hatşysy Ziiabek Qabyldinov Ekınşı düniejüzılık soǧystyŋ ūmytylǧan batyrlary turaly baiandai kele, qazaqstandyqtardyŋ Ūly Otan soǧysynda qosqan ülesın anyqtaityn institut qūru kerek degen oiyn jetkızdı. Ukraina,
Belarus, Europa elderınıŋ mūraǧattarynda tūraqty jūmystar jürgızıp, tereŋ aqparat jinau kerektıgın aitty.
Tyl jäne eŋbek ardagerı Vasilii Alekseev «Bärı de maidan, bärı de Jeŋıs üşın» atty ǧylymi maqalasynda soǧys kezınde balalardyŋ, qarttar men mügedekterdıŋ de jan aiamai ıstegen eren eŋbekterın aita kele, täuelsızdıktıŋ qadırın sezınıp, ony közdıŋ qaraşyǧyndai saqtauymyz kerek degen oiymen bölıstı.
Astana qalasynyŋ qorǧanys ısterı jönındegı departamentınıŋ bastyǧy Talǧat Amangeldiev «Otandy qorǧau – ärbır qazaqstandyqtyŋ qasiettı paryzy» taqyrybynda tolǧanyp, ardagerler jolyn quǧan bügıngı azamattardyŋ erlıgı – adal eŋbek, ūşqyr bılım, sapaly jūmysta ekenıne toqtaldy.
Ūly Otan soǧysy mügedekterıne arnalǧan gospitaldıŋ direktory Ädılhan Abdullinnıŋ «Ūly Jeŋıske därıgerler ülesı» atty baiandamasynda däiektı mälımetter keltırıldı.
Konferensiiaǧa qatysqan Ūly Otan soǧysy ardagerı Qadan Bekenov özınıŋ maidandaǧy joly turaly äŋgımeledı. Taǧy bır maidanger Vasilii Makarov soǧys jaily äserlı öleŋın oqyp berdı.
Konferensiia soŋynda ardagerlerge «Ardagerler ūiymy» jäne universitet atynan syi-siiapat jasaldy.
Gülnär JŪPARBEK,
L.Gumilev atyndaǧy
EŪU studentı
