Astana qalasynda «Üzdık bastauyş partiia ūiymy» baiqauynyŋ jeŋımpazdary anyqtaldy. «Nūr Otan» partiiasynyŋ ūiymdastyruymen ötkızılıp otyrǧan būl baiqau «100 naqty qadam» Ūlt jospary baǧdarlamasy aiasynda jüzege asyp otyr.
Konkursqa soǧys ardagerlerı men tyl eŋbekkerlerıne, az qamtylǧan jäne köpbalaly otbasylar, sondai-aq jetımderge kömek beru sekıldı köptegen igı ıster jasap otyrǧan bastauyş partiia ūiymdary qatysty. «Būl baiqaudyŋ negızgı maqsaty elımızdegı äleumettık problemalardy şeşu jäne azamattardyŋ kündelıktı ömırın jaqsartu jolynda partiiamyzben iyq tırestıre jūmys ıstep jatqan qoǧamdyq ūiymdardy anyqtau bolatyn. Nätijesınde partiiamyzdyŋ Astana qalalyq filialy qataryndaǧy 350-ge juyq bastauyş partiia ūiymy arasynan ırıktelıp alǧa şyqqan 17 mekeme respublikalyq baiqauǧa joldama alyp otyr» deidı Nūr Otan partiiasy Astana qalalyq filialy töraǧasynyŋ bırınşı orynbasary Edıl Mamytbekov.
Jeŋımpazdarǧa jeŋıs kuboktary tabys etılıp, belsene qatysqan özge de bastauyş partiia ūiymdaryna alǧys hattar berıldı.
