Yntymaqtastyqtyŋ oŋ yqpaly

Astanada ūiymdastyrylǧan Halyqaralyq valiuta qorynyŋ Öŋırlık kon­ferensiiasynyŋ qorytyndysyna arnalǧan baspasöz mäslihaty öttı. Oǧan QR Premer-ministrı Kärım Mäsımov pen Halyqaralyq valiuta qorynyŋ basqaruşy direktory Kristin Lagard qatysty. 

Qazaqstan Ükımetı men HVQ sarapşylary arasynda tyǧyz yntymaqtastyq ornaǧaly bırneşe jyldyŋ jüzı boldy. Elordada ötken konferensiiada qos tarap öŋırde qalyptasyp otyrǧan ekonomikalyq ahual turaly pıkır almasyp, sonyŋ ışınde aqşa-nesie saiasatyn jäne qūrylymdyq reformalardy jetıldırudıŋ tetıkterın, sondai-aq, Qazaqstannyŋ eko­no­mikalyq damuynyŋ ortaşa merzımdı perspektivalary mäselelerın talqylady. Qazaqstanda syrtqy jaǧym­syz faktorlardy jūmsartu üşın jäne eldıŋ tūraqty damuyna baǧyttalǧan, bes institusionaldy reformalar aiasyndaǧy şaralar turaly aityldy. Sondai-aq, QR Premer-ministrı HVQ müşelerın «Astana» halyq­aralyq qarjy ortalyǧynyŋ qūrylymymen tanystyrdy.
Kärım Mäsımovtıŋ aituynşa, ortalyqty damytu jūmysy jekeşelendıru baǧdar­lama­symen qatar jüredı. Osy kün­derge deiın jasaqtalǧan Ūlt­tyq qor sarqylmaidy. Onyŋ bır bölıgı ǧana «Nūrly jol» baǧdarlamasyn jüzege asyruǧa jūmsalady. Ekonomikany jaŋ­ǧyrtu josparyna säikes jekeşelendırudıŋ auqymdy baǧdarlamasy ıske asyrylady. Oǧan «Samūryq-Qazyna» ūlttyq äl-auqat qory qatysady.
Sondai-aq, QR Ükımetı men Ūlttyq bank Qazaqstannyŋ odan arǧy damuy boiynşa Halyqaralyq valiuta qorymen syndarly sūhbat jürgızedı.
– Qazaqstannyŋ aldynda tūrǧan barlyq syn-qater­lerden ötudıŋ jalǧyz müm­kındıgı – ekonomikalyq refor­malardy jalǧastyru dep esepteimın. Memleket basşysy jaqynda reformalardy ıske qosyp, jüzege asyrmas būryn ony halyqqa tüsındıru qajet ekenın aitqan bolatyn. Son­dyqtan, Ükımettıŋ aldynda tūrǧan negızgı syn-qater – ol reformalardy jürgızu jäne qatysuşylarmen, osy refor­malarǧa qatysatyn kompaniialarmen, halyqpen naqty talqylau, – dedı K.Mäsımov.
Kristin Lagard öz kezegınde Nazarbaev universitetınde Qazaqstan, Kavkaz jäne Orta Aziia elderınıŋ aldyndaǧy eko­no­mikalyq syn-qaterler ta­qy­ry­bynda därıs oqyp, stu­denttermen kezdeskenın jet­kızdı. Qazaqstannyŋ Ūlttyq qor qūr­ǧany dūrys bolǧanyn, būl jait aqşa-nesie saiasatyn jür­gızuge oŋ äser etetının aitty.

Amanǧali QALJANOV