Äzımbai ǦALİ,
saiasattanuşy:
EKI OQİǦA ELEŊ ETKIZDI
Menı eleŋ etkızgen aptanyŋ negızgı oqiǧasyna toqtalaiyn.
Bırınşısı, Reseidegı saiasi oqiǧalar. Taqqa kelgen Putinge qarsy halyqtyŋ narazylyq şaralary älı jalǧasyp jatyr. «Prezident sailandy. Bolar ıs boldy. Endı eşkımnıŋ qolynan eşteŋe kelmeidı» dep otyrǧandar qatelesken syŋaily. Mäskeu jūrtşylyǧynyŋ toqtar türı joq. Dürdarazdyq jalǧasa beretın tärızdı. Özderıŋız bıletındei «Okkupai Abai» iaǧni, «Abaidy basyp al» ūrany töŋıregınde toptasqandar şeruı älı de ötıp jatyr.
Būǧan ne deuge bolady? Orystyŋ ziialy qauymy Abaidy bılmeidı eken. Endı bıldı. Basynda «neponiatnyi kazah» dep baǧalaǧan solşyl orystardyŋ özı moiyndady.
Odan keiıngı oqiǧa, osy aptada Jaŋaözen qalasyndaǧy uaqytşa tergeu izoliatorynyŋ bastyǧyna qatysty qylmystyq ıs boiynşa ükım oqyldy. Istıŋ män-jaiymen jete tanysqan joqpyn. Bıraq, bır bılerım, oqiǧadan oqiǧa tuyndap, būl ıs ūzaqqa sozylatyn tärızdı.
