KOLLEDJ TÜLEKTERI KEŞENDI TEST TAPSYRUY KEREK PE?
Rahman ALŞANOV,
QR JOO qauymdastyǧynyŋ töraǧasy:
Bärımızge belgılı, joǧary oqu ornyna tüsuge niettı mektep tülekterı bıryŋǧai ūlttyq testıleuden ötedı. Al, mekteptı 2-3 jyl būryn bıtırıp qoiǧandar oquǧa tüsu üşın belgılengen joǧary oqu oryndarynyŋ qabyrǧasynda keşendı test tapsyrady.
Al, kolledj tülekterı osy uaqytqa deiın joǧary oqu ornyna emtihansyz qabyldanyp keldı.
Bız osy olqylyqtyŋ ornyn toltyryp jatyrmyz. Biyldan bastap kolledj bıtıruşılerı de köppen bırge testıleuden ötedı.
Kolledj studentterınŋ arasynda 9-synypty, 11-synypty bıtırıp kelgenderı bar. Olardyŋ ärqaisysyna laiyqty baǧdarlama jasalady.
Būl özgerıstı biyl engızudıŋ qajetı joq deitınder aramyzdan tabylyp jatyr. Bıraq, sannan görı sapaǧa qol jetkızudı oilasaq, mūny sozbaqtai berudıŋ qajetı joq.
Nege deseŋız, soŋǧy 7-8 jylda kolledj bıtırgen jastardyŋ sany 130 myŋnan asyp ketıptı. Olardyŋ 100 myŋy bılımın joǧary oqu ornynda odan ärı jalǧastyrǧan. Mamandyq aldym, jūmys ısteimın deitınderı nebärı 30 paiyzdyŋ o jaq bū jaǧynda. Būdan ne tüiuge bolady? Kolledjder maman emes, joǧary oqu ornyna tüsetın studentterdı daiarlaumen ainalysyp kelgen degen söz. ŪBT men keşendı test tapsyrudan qaşqan oquşylardyŋ bärı kolledjdı saǧalaǧan. Joǧary oqu ornyna eşqandai emtihansyz tüsudı ǧana közdegen. Onyŋ üstıne kolledj tülekterınıŋ bırden ekınşı kursqa qabyldanatyn basymdyǧy taǧy bar.
Eger öz bılımıne senımdı bolsa, test tapsyrudyŋ qorqatyndai däneŋesı joq. Jaqynda ǧana kolledj tülekterınıŋ bır toby baiqau testterın tapsyryp kördı. Nätijesı jaman emes. 60 paiyzy 50-den joǧary ball jinady. Eger testten öte almaǧan eken, onda qolynda kolledjdıŋ diplomy bar, jūmys jasasyn. Kolledjdı ne üşın oqydy? Jūmys ısteimın dep pe, älde joǧary oqu ornyna tüsudıŋ oŋai joly osy eken dep pe?
Engızılgen osy özgerıske qatysty Pavlodardyŋ studentterı tıptı aştyq jariialauǧa deiın barypty. Jalpy, däl osy mäseleden dau-damai tudyrudyŋ eş qisyny joq.
Jarylqasyn ORALBAIŪLY,
kolledj tülegı:
Mektep oquşylary kolledjge tek ŪBT-dan qūtylu maqsatymen tüsedı eken degen pıkırmen kelıspes edım. Mektep bıtırgen soŋ, jinaǧan balym memlekettık grant negızınde oquǧa tüsuıme jetpedı. Al, aqyly oqudy jaǧdaiym kötermeidı. Amal joq, kolledjge tüsuge mäjbür boldym. Mıne, qazır taŋdaǧan mamandyǧym boiynşa kolledj diplomyn aldym. Öz salam boiynşa täp-täuır bılımımdı jetıldırdım. Jūmys ta taptym. Bärı de jaqsy. Bıraq, ömır bır orynda tūrmaidy. Qyzmet te solai. Jūmys auystyru kerek, būdan da jaqsy qyzmette ıstegıŋ keledı. Ol üşın ärine qolyŋda joǧary oqu ornynyŋ diplomy bolu kerek. Būryn, kolledj bıtırıp kelgen jastarǧa joǧary oqu ornyna tüsu üşın bırşama jeŋıldıkter jasalatyn. Al, biyldan bastap kolledj bıtıruşılerın būdan aiyrmaqşy. Iаǧni, keşendı test tapsyru kerek eken.
Oquşy kolledjde alǧan bılımınıŋ negızınde test tapsyrsa, jaraidy der edık.
Osydan üş jyl nemese odan da köp jyl būryn oqyp ketken mektep baǧdarlamasyndaǧy qazaq tılı, matematika, tarih sekıldı negızgı pänderden qalai keşendı test tapsyra alady? Qanşa jerden bılımdı desek te, būl kolledj tülegı üşın oŋai närse emes. Kolledj bıtırgen soŋ, mekteptegı bılımın qaita tekseretın bolsa, kolledjdegı bılımdı ne üşın aldy? Bärınıŋ nätijesın uaqyt körsete jatar. Öz basym būl özgerıstı asa qūptai qoimaimyn.
