L.Gumilev atyndaǧy Euraziia ūlttyq universitetınde ötken ıs-şarada jastarǧa psihobelsendı zattar men elektrondy temekınıŋ ziiany, esırtkınıŋ zardaby tüsındırıldı.
Jastar saiasaty basqarmasy, Qoǧamdyq densaulyq saqtau basqarmasy, salauatty qalyptastyru ortalyǧy ūiymdastyrǧan aksiiaǧa jastar köptep qatysty.
Aksiia aiasynda №3 qalalyq emhananyŋ urolog, psiholog, ginekolog därıgerlerı student jastarǧa aqyl-keŋes berse, SPİD ortalyǧynyŋ mamandary VİCh-test aldy. Sondai-aq türlı taqyrypta videorolik körsetıp, viktorinalyq sūraqtar qoiyp, jastarǧa salauatty ömır saltynyŋ maŋyzyn tüsındırdı.
Jastar saiasaty basqarmasynyŋ mektep jäne student jastarmen jūmys bölımınıŋ basşysy Baǧdat Atymtai «Esırtkıge jol joq!» aksiiasy aiasynda atqarylyp jatqan jūmystarǧa toqtaldy.
Astana qalasy Polisiia departamentı esırtkı biznesıne qarsy ıs-qimyl basqarmasynyŋ bölım bastyǧy Sergei İlinov sintetikalyq zattardy satu, jarnamalau jäne tärkıleu faktısın aşuǧa baǧyttalǧan şaralar turaly aitty.
Qazırgı qoǧamnyŋ basty mäselesı – internetke täueldılık. Äsırese jasöspırımder men jastar arasynda smartfon men kompiuterge täueldılık köbeiıp keledı. Täueldılıktıŋ būl türınen jastardy aiyqtyru – ūzaq prosestı alatyn psihologiialyq jūmys. Būl taqyrypta «Restart» respublikalyq jobasynyŋ üilestıruşısı Diar Ydyrys-Belbaily söz ettı. SPİD ortalyǧynyŋ mamany Ajar Tūrymova ǧasyr ındetıne balanǧan SPİD-tı jūqtyryp, ömırı üzılıp jatqandar turaly aityp, odan saqtanu joldary turaly baiandady.
Al salauatty qalyptastyru ortalyǧynyŋ direktory Qanat Qamzin:
– Naşaqorlyqtyŋ aldyn alu mäselesın aşyq talqylap, salauatty ömır saltyn ūstanudy nasihattau – negızgı mındetımız. Öz salasynyŋ käsıbi mamandaryn şaqyryp, jastarǧa psihobelsendı zattar men elektrondy temekınıŋ jäne esırtkınıŋ adam ömırıne zalal-zardabyn tüsındırdık, – dedı.
