Prezident Qasym-Jomart Toqaev Vladimir Putinnıŋ şaqyruymen Resei Federasiiasyna bardy. Memleket basşysy Qazaqstan men Reseidıŋ HVIII Öŋıraralyq yntymaqtastyq forumyna qatysty.
Forumǧa oblystardyŋ basşylary, salalyq memlekettık organdar men ekı el ısker toptarynyŋ ökılderı qatysty.
Prezident beinebailanys rejimınde ötken jiynda barlyq şekteudı alu jäne sauda salasynda özara tiımdı jaǧdai jasau elderımızdıŋ sapaly ekonomikalyq ösımıne jol aşatynyn atap öttı.
– Ötken aida bız elderımız üşın atauly data – diplomatiialyq qatynastardyŋ ornaǧanyna 30 jyl tolǧanyn atap öttık. Osy uaqyt ışınde ekı memleket dostyq pen tatu körşılık qatynastarǧa negızdelgen özara tiımdı strategiialyq serıktestık ornata aldy. Elderımız arasynda senımdı jäne konstruktivtı dialog ornap, yntymaqtastyqtyŋ joǧary deŋgeiıne qol jetkızıldı. Bız halyqaralyq ūiymdar men integrasiialyq bırlestıkter (BŪŪ, TMD, ŪQŞŪ, EAEO, ŞYŪ, EQYŪ jäne AÖSŞK) aiasynda özara belsendı äreket etemız. Būl öŋırlık qauıpsızdıktı qamtamasyz etuge jäne bükıl Euraziianyŋ jahandyq saiasat pen ekonomikadaǧy rölın arttyruǧa eleulı üles qosady, – dedı Qasym-Jomart Toqaev.
Memleket basşysynyŋ aituynşa, ekı el arasyndaǧy ekonomikalyq qatynastar jyldan-jylǧa küşeiıp keledı. Özara tauar ainalymy tūraqty türde ösıp kele jatyr. Bırlesken jobalar ıske asyrylyp, özara esep aiyrysu baǧytynda ūlttyq valiutalardyŋ ülesı ūlǧaia tüstı.
– Byltyr Qazaqstan men Resei arasyndaǧy sauda kölemı jaŋa rekordtyq deŋgeige – 24,5 milliard dollarǧa jettı. Biyl alǧaşqy 9 aidyŋ qorytyndysy boiynşa tauar ainalymynyŋ körsetkışı 5 paiyzǧa östı. Reseige şyǧarylatyn qazaqstandyq eksporttyŋ assortimentı jaqsardy. Onyŋ qūny 100 myŋ dollardan asady. Ötken jylmen salystyrǧanda tauar ataularynyŋ sany 640-tan 1050-ge deiın köbeidı. Almatydan Resei öŋırlerıne tauar jetkızu 2,5 eseden astam, al Astanadan 5 ese östı. Şekaralas oblystar arasyndaǧy sauda-sattyq aitarlyqtai jandandy. Mysaly, Reseige Aqtöbe oblysynan tauar jetkızu 48 paiyzǧa, Pavlodar oblysynan 36 paiyzǧa artty, – dedı Prezident.
Qasym-Jomart Toqaev elımızde Reseidıŋ ülesı bar 17 myŋnan astam kompaniia men Qazaqstan-Resei bırlesken käsıporny tabysty jūmys ıstep jatqanyn jetkızdı.
– Qazaqstanǧa qūiylǧan Resei investisiiasy jyldan-jylǧa artyp keledı. Reseilık investisiianyŋ qauıpsızdıgın qamtamasyz etıp, ekonomikamyzǧa barynşa köptep tartu üşın qolymyzdan kelgennıŋ bärın jasaimyz. Būl – elderımız arasynda tiımdı özara ıs-ärekettıŋ jolǧa qoiylǧanyn däleldeitın taǧy bır derek. Osy oraida byltyr Reseiden Qazaqstanǧa tartylǧan tıkelei investisiia pandemiiaǧa deiıngı deŋgeiden joǧary boldy. Atap aitqanda, üşten bır eseden astam körsetkışke jetıp, 1,9 milliard dollardan asty. Sondai-aq Qazaqstannyŋ Reseige salǧan investisiiasy da 34 paiyzǧa artyp, 535 million dollarǧa jettı. Būdan bölek, elderımızdıŋ sauda-ekonomikalyq yntymaqtastyǧyn odan ärı küşeituge äleuetımız jetkılıktı. Kooperasiialyq yntymaqtastyqqa erekşe qyzyǧuşylyq tanytyp otyrmyz. Bügınde būl sala boiynşa Qazaqstan men Resei arasynda jalpy qūny 23 milliard dollar bolatyn 110 bırlesken joba jüzege asyrylyp, 30 myŋǧa juyq jūmys orny aşyldy, – dedı Qasym-Jomart Toqaev.
Memleket basşysy logistikalyq jelılerdı jaŋǧyrtudy jedeldetuge şaqyrdy. Onyŋ pıkırınşe, sauda men ekonomika salalarynda jaŋa ösım közderın qarastyruǧa uaqytyly qabyldanǧan batyl şeşımder ǧana septıgın tigızedı. Osylaişa, Qazaqstannyŋ şekaralas öŋırlerınde önımdı ötkızudıŋ zamanaui jäne tiımdı infraqūrylymyn qalyptastyru üşın bükıl Euraziia keŋıstıgıne arnalǧan sauda habtary jüiesı qūrylyp jatyr. Sonymen qatar Memleket basşysy köpjaqty özara tiımdı yntymaqtastyqty odan ärı keŋeitu üşın bırlesken küş-jıgerdı mynadai salalarǧa jūmyldyrudy ūsyndy.
– Bırınşı. Transşekaralyq jäne öŋıraralyq yntymaqtastyq jönındegı şaǧyn komissiianyŋ qyzmetın küşeitu qajet. Öŋıraralyq yntymaqtastyq baǧdarlamalaryn üilestıru jäne ıske asyru – atalǧan komissiianyŋ negızgı mındetterınıŋ bırı. Ekınşı. Şekara infraqūrylymyn jaqsartuǧa, Qazaqstan men Resei arasyndaǧy şekara punktterınıŋ ötkızu mümkındıgın keŋeituge erekşe nazar audaru qajet. Būl jūmysty salynyp jatqan «Bır beldeu, bır jol» bastamasy men «Soltüstık – Oŋtüstık» transūlttyq dälızderın eskere otyryp, jüzege asyru kerek dep esepteimız. Būl baǧyttardy EEO qyzmetımen ūştastyru qajet. Üşınşı. Qazaqstan tūraqty sauda-investisiia qatynastaryn damytuǧa müddelı, – dedı Qasym-Jomart Toqaev.
Prezident Qazaqstan men Reseidıŋ şekaralas aumaqtarynda avtomobil joldaryn saludy, logistikalyq habtar men ekonomikalyq aimaqtar qūrudy, sondai-aq joǧary därejelı qaita jasalatyn önım öndıru salasyndaǧy yntymaqtastyqty keŋeitudı basym baǧyt retınde atap öttı.
