«Astana jastary» jastar resurstyq ortalyǧynyŋ erıktılerı men belsendılerı «Şapaǧat» sauda üiınıŋ maŋynda qala tūrǧyndaryna tegın şai taratty. İgılıktı ıs-şaraǧa arnaiy baryp, qala tūrǧyndarynyŋ yqylas-nietın bıldık.
– Astananyŋ aiazdy qysy bastaldy. Osyndai kezde adamnyŋ tänın ǧana emes, ruhyn jylytatyn aksiialar qajet. Bız meiırımdılıktı, ızgılıktı, qaiyrymdylyqty nasihattaimyz. Ärine, mūndai ısterdı atqaruda jyly sälemdesu, jyly şai beru jäne t. b. aksiialardyŋ orny bar. «Şapaǧat» sauda üiınıŋ maŋynda adam qozǧalysy qalyŋ. Adamdar ärtürlı jūmyspen jür. Solardyŋ boiyn jylytatyn şai taratyp jatyrmyz. Tüske deiın «Tūlpar» sauda ornynyŋ maŋynda jäne Esıl audany «Jaǧalau» jaqta da aksiiany jalǧastyramyz. İgılıktı ıske barşa jastar ūiymyn atsalysuǧa şaqyramyz, – dedı ortalyq jetekşısı Şyŋǧys Tıleulin.
Aiazdy künı tūrǧyndardy ystyq şaimen jylytudy mūrat etken aksiianyŋ nätijesın de kördık. Ärı-berı ötken tūrǧyndar talǧamyna qarai şai ışıp, boiyn jylytyp, erıktı jastarǧa alǧys bıldırıp jatty.
Şai ışıp tūrǧandar arasynda özın Zabira Bökenbaeva dep tanystyrdy. Ol balasyn emhanaǧa körsetıp, üiıne qaityp barady eken.
– Köpbalaly anamyn. Balamdy därıgerge körsetıp, üige qaityp baramyn. Dauys küşeitkışpen «tegın şai ışıŋızder» degennen keiın keldım. Şai ışıp, boiym jylydy. Raqmet jastarǧa! – dedı ol.
Jastar liderı tegın şai taratumen qatar, qarttardyŋ aulasyn qardan tazalau aksiiasy jüretının aitty.
