Qala äkımı Altai Kölgınov elorda audandarynyŋ aulalyq aumaqtary qalai özgergenın tekserdı.
Ürker (201-köşe, Esıl audany), Öndırıs (Baiqoŋyr audany) eldı mekenderınde ämbebap alaŋdar aşylady, futbol alaŋyn jyldyŋ suyq mezgılınde hokkei kortyna auystyruǧa bolady. Būl kortta balalar hokkei oinap qana qoimai, konkimen de syrǧanai alady. Sondai-aq trenajerler ornatylyp, workout aimaǧy jabdyqtalady. Ärbır osyndai keşen inkliuzivtık elementtermen jabdyqtalǧan erekşe qajettılıkterı bar balalar alaŋdarda oinap, sportpen şūǧyldana alady.
«Memleket basşysy halyqqa Joldauynda azamattardy būqaralyq sportpen ainalysuǧa şaqyrdy. Barlyǧy aula sportynan bastalady. Balalar bos uaqytynda futbol, hokkei oinauǧa, konkimen syrǧanauǧa mümkındık aluy üşın sportpen şūǧyldanuǧa jaǧdai jasaluy tiıs. Aulalardyŋ körınısı men ne boluy qajettıgı turaly tūrǧyndarmen kelıse otyryp şeşıledı. Qoǧamdyq keŋıstıktı tūrǧyndardyŋ pıkırın eskere otyryp damytatyn bolamyz! Aula aumaqtaryn abattandyru jūmystaryn odan ärı jalǧastyramyz» dedı A.Kölgınov. Sondai-aq mūndai alaŋdar Gete köşesı, 10 (Saryarqa audany) jäne Öndırıs eldı mekenınde (Baiqoŋyr audany) ornatyldy. Būl jobalar «Samruk-Kazyna Trust» äleumettık jobalardy damytu qorymen bırlesıp ıske asyryldy.
