JEDELSÖZ. Elvira Şämşıkenova, Jūmyspen qamtu j»äne äleumettık baǧdarlamalar basqarmasynyŋ ardagerler jäne mügedekter jūmysy jönındegı bölım basşysy: «QAMQORLYQTAN TYS QALMAIDY»»

Jyl saiyn qazannyŋ ekınşı jeksenbısı elımızde Mügedekter künı retınde atalyp ötılude. Astana qalasynda da atauly künge orai mümkındıgı şekteulı jandarǧa köŋıl bölıp, qol ūşyn sozu dästürı qalyptasqan. Osy tūrǧyda Astana qalasy Jūmyspen qamtu jäne äleumettık baǧdarlamalar basqarmasynyŋ ardagerler men mügedekter jūmysy jönındegı bölımınıŋ basşysy Elvira Şämşıkenova äŋgımeleidı.

– Merekege orai qalada qandai ıs-şaralar ūiymdastyrylady?
– Astana qalasy äkımdıgınıŋ Mü­ge­dekter künın ötkızu jönındegı arnauly ıs-şarasy bekıtıldı. Osyǧan säikes baǧdarlamalar jasalyp, naqty ıster qolǧa alyndy. Atap aitqanda, Saryarqa audany äkımı apparatynyŋ qoldauymen tırek-qimyl müşesı bū­zylǧan balalar üşın «Altyn küz» quyrşaq teatrynyŋ qoiylymy ötedı. Maqsat – taǧdyrdyŋ jazuymen mügedektıktıŋ qamytyn kigen jandardyŋ köŋılderın köteru, olardyŋ tūrmystyq tüitkılderıne az da bolsa nazar audaru. Al, 7-11 qazan künderı öte­tın «mümkındıgı şekteulı jandar üşın jūmys oryndaryn qūru» aksiiasy olar üşın naǧyz qoldau bolady dep oilaimyz.
Sondai-aq, Astana qalasy bılım bas­qarmasynyŋ ūiymdastyruymen būl künı «Älem balalar közqarasymen» atty büldırşınder şyǧarmaşylyǧy körmesı de balǧyn talanttardyŋ oi-qiialyna qanat bıtırıp, öz mümkındıkterın körsetudıŋ bır joly bolady.
– Mügedekterdı äleumettık qorǧau qalai?
– Astana qalasy Jūmyspen qamtu jäne äleumettık baǧdarlamalar bas­qarmasy jergılıktı biudjet esebınen mügedekterge aitarlyqtai kömek kör­setıp keledı. Äsırese, özdıgınen jüre almaityn adamdarǧa airyqşa köŋıl bölınedı. Qazır elordada üide äleumettık qyzmet körsetetın 4 bölım jūmys ıs­teidı. Bügınde olar eŋbekke qabıletsız azamattarǧa qol ūşyn sozuda.
Taǧy bır atap aitarlyǧy, qaladaǧy mügedekter mındettı jeke bas tazalyǧy būiymdarymen, qazırgı zamanǧy protez-ortopediia, tiflotehnika, surdotehnika qūraldarymen qamtamasyz etıledı. Qūlaǧy estımeitın, közı körmeitın adamdarǧa arnauly kömekşı mamandar bölınedı.
Mügedekter künı qarsaŋynda müm­kındıgı şekteulı jandarǧa 3000 teŋge kölemınde bırjolǧy materialdyq kömek berıldı. Qalada ony 14943 adam aldy.
– Qalada mügedekter sany qanşa?
– Qazırgı taŋda elordada 18203 mügedek adam bar dep sanalady. Atap aitsaq, I toptaǧy mügedek – 2047, II toptaǧysy – 7536, III toptaǧy 5929 jäne mügedek balalar sany – 2691. Şynyn aitu kerek, taǧdyrdyŋ jazuy solai boldy, olar qazır bıreudıŋ kömegıne mūqtaj. Sondyqtan müge­dekterge qamqorlyq jasau – ärbır adamnyŋ paryzy.

Taŋatar TÖLEUǦALİEV