Jiyrma jyldyq bi ǧūmyr

«Naz» memlekettık bi teatrynyŋ «Jiyrma jyldyq bi ǧūmyr» atty mereitoi konsertı öttı.Arqaǧa astana köşıp kelgende ırgesı qalanǧan öner ordasynyŋ bügınde jetken jetıstıgın auyz toltyryp aituǧa bolady. Qazır ol – elımızdegı alǧaşqy käsıbi bi teatry. «Naz» degen sözdıŋ özı näzık­tıktı, sūlulyqty bıldıredı.
Teatrdyŋ qalyptasuyna mädeniet qairatkerı Erkebūlan ­Aǧymbaev pen ūjymnyŋ körkemdık jetekşısı – Qazaqstannyŋ eŋbek sıŋırgen qairatkerı Hadişa Aǧymbaeva köp eŋbek sıŋırdı. «Nazben» bırge halqymyzdyŋ bi önerı de jaŋa beleske köterıldı. Önerpazdar ūlttyq boiauy mol şyǧarmalardy ǧana emes, özge halyqtardyŋ dästürlı bile­rın de keremet oryndaidy. Öner ordasy alǧaşqy künnen bastap, qazırge deiın repertuardaǧy ärbır bige ūlttyq örnek, halqymyzǧa tän salt-dästürdı engızuge män bergen. Aitalyq, «Serpın», «Köŋılaşar», «Jeldırme», «Sarbazdar» bilerınen osyny köresız.
2005 jyly «Naz» elımızde alǧaş­qy bolyp horeografiia tılı­men «Tūiǧyndar» atty bi spektaklın qoidy. Jūrtşylyq ony jyly qabyldady. Odan keiın halqymyz­dyŋ ardaqty perzentı, däulesker küişı Nūrǧisa Tılendiev turaly «Nūrǧisa» bi qoiylymyn sahnalady. Sondai-aq şyǧys ertegıler jelısımen «1001 tün» qoiylymy jäne «U-sana» horeografiialyq spektaklı körermenge jol tartty. Biyl tarihta öz orny bar qolbasşy «Şyŋǧyshan» qoiylymynyŋ premerasy öttı.
Mereitoi konsertınıŋ aşy­luynda Mädeniet jäne sport vise-­ministrı Nūrǧisa Däueşov teatr ūjymyn jiyrma jyldy­ǧymen qūttyqtap, önerpazdarǧa ızgı lebızın bıldırdı. Odan keiın keş bi qoiylymdaryna ūlas­ty. Joǧaryda aityp ötken spektaklderden üzındıler körsetıldı. Özge halyqtardyŋ da bilerı oryndaldy. Dombyra kümbırlep, äuezdı än aityldy. Sonymen bırge teatr mereitoiyna orai «Bi – sezımnıŋ padişasy» atty respublikalyq jyr müşäirasy jariialanǧan edı. Keş aiasynda sonyŋ jeŋımpazdary marapattaldy. Būl jyr bäigesınıŋ bas jüldesın aqyn Azamat Mäljanbai ielendı.
Qoryta kelgende, qazaq önerınıŋ şaŋyraǧyna bır uyq bolyp qadalǧan «Naz» teatrynyŋ jiyrma jyldyq asuy el köŋılınen şyqty dep nyq aitamyz.